Horta de Sant Joan

Horta de Sant Joan ye un municipio catalán de la comarca de la Tierra Alta y provincia de Tarragona.

La suya población ye de 1.287 habitants (2008), en una superficie de 119 km² y una densidat de población de 10,82 hab/km².

Cheografía

Ye situato en un pueyo en meyo d'una plana, a 542 metros d'altaria dencima de lo ran de la mar. La parte sud de lo termin ye montanyosa, con las zagueras estribacions de lo norte de los Puertos de Bezeit. Lo modelato en los almendrón ha produeito monts con formas curiosas en mallos como Les Roques d'En Benet u releus en cuesta como La muntanya de Santa Bàrbara u Sant Salvador d'Horta, que dende luent pareixe conico como un volcán y que podió estar un mont sagrato dedicato a Chupiter como en Chuseu. En la parte norte son los monts coneixitos como "Els pesells" on se pued trobar bell resto de la Batalla de l'Ebro.

Ye regato por los rios Canaleta, Els Estrets y Algars que naixen en los Puertos de Bezeit. Lo Canaleta baixa fendo una val entre lo Montsagre y Santa Bàrbara dixando bells puestos ta veyer-lo como puet estar o "Racó de les olles" (con ollas de chigant y gorgas), u El Balneari de la Fontcalda. Els Estrets baixa de los puertos entre foces de roca viva que li dan lo nombre, tierra compartita entre los lugars d'Horta y Arnes, dica plegar a lo rio Algars que fa muga entre Teruel y Tarragona. Este zaguer río desemboca en lo río Matarranya en lo termin de Nonasp.

Encara que la suya capital oficial siga Gandesa, Horta y atros lugars como Arnes forman una parzana con més relación tradicional con la comarca de lo Matarranya. O lugar de Moncades fa parte de lo termin municipal d'Horta de Sant Joan.

Mugas

Horta de Sant Joan con respecto a los municipios de la Tierra Alta

Lo suyo termin municipal muga a l'ueste con Ledón y Arens de Ledón, a lo norte con Caseres, a lo noreste con Bot, y l'este con Prat de Comte y Paüls, a lo sud y sudeste con Alfara de Carles y a lo sud y sudueste Arnes.

Historia

Fue conquiesta por Alifonso I lo Batallero con intención de conquerir Tortosa, como se vei en un texto de 1132 on s'especifica que en ye a seis millas:

Regnante domino nostro Iesu Christo sine fine, et sub eo Adefonso Sancii regnante de Montson usque Bilforato et antigua Castella et usque Sancto Stephane de Gormaz et Monte Regale versus Barraçina et usque Castello Orta dicto, sex millibus distans a Tortosa et infra. Uenerauili episcopo Sancio Ossetano alumno, presidente prefate sedi in universo eius episcopatu

Dimpués de la derrota aragonesa en Fraga (batalla de Fraga), los almorabetz la recuperoron. La reconquista definitiva estió con Alifonso II lo Casto. En 1165, Alifonso II lo Casto atorgó a Horta Carta Puebla. Estos territorios yeran en posesión de la Casa de Montcada dica l'anyo 1177, quan lo rei Alifoso II cedió la churisdicción a la Orden de lo Temple.

La Orden de lo Temple creyó la Comanda d'Horta. Esta incluiba los actuals termins municipals d'Arnes, Bot, Caseres, Prat de Comte y Horta de Sant Joan. Se diz que lo terreno de los templers d'Horta ocupaba partes de l'actual termin de Bezeit, on se trobó un cruz de base otogonal, quan no i heba mugas claras. Los templers impulsoron la redacción de las Consuetuds, compendio de dreito lechislativo local. En lo llibre dels Feits se fa constar que lo rei Chaime I d'Aragón estió en lo castiello d'Horta muitas vegatas. L'anyo 1317 se suprimió la orden de lo Temple y los suyos biens pasoron a perteneixer a los Hespitalers.

En las Cortz de Casp de 1371 lo Castellán d'Amposta protestó por la inclusión d'Horta en lo Reino d'Aragón:

Ante la ondrada Cort del General del regno de Aragón et en presencia de mi notario et de los testimonio diuso scriptos, constituydo personalment don fray Berenguer de Muntpahon, comendador de Ulldecona et lugartenient de Castellán d'Amposta, dixo et propuso que, segunt le era et yes dado a entender por la dita Cort, se entiende dar por greuge al senyor rey que declare los lugares de Orta et de Gandesa seer dentro los limites del regno de Aragon et seer del dito regno, como aquesto sia prejudicio del dito Castellan et de su Orden si et en tanto porque los ditos lugares sian sitiados dentro en Cathalunya et sus limites, et por otras razones, en su tiempo et lugar proponederas.

Demografía

Evolución demografica

1497 f 1515 f 1553 f 1717 1787 1857 1877 1887 1900 108 143 138 460 - 2.263 2.239 2.375 2.498

1910 1920 1930 1940 1950 1960 1970 1981 1990 2.473 2.447 2.244 2.086 2.173 1.804 1.540 1.371 1.339

1992 1994 1996 1998 2000 2002 2004 2006 2008 1.317 1.311 1.272 1.245 1.233 1.217 1.219 1.238 - 2009 2010 2011 2012 2013 2014 2015 2016 2017 - - - - - - - - - 2018 2019 2020 2021 2022 2023 2024 2025 - - - - - - - - - -

1497-1553: fuegos; 1717-1981: población de feito; 1990- : población de dreito

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007
Convergència i Unió	-	6	5	5	6	6	9	6
Partit dels Socialistes de Catalunya	-	-	1	2	1	1	-	-
Independients	-	-	-	-	-	-	-	3
Alianza Popular/Partido Popular	-	3	3	2	2	2	-	-
Unión de Centro Democrático	9	-	-	-	-	-	-	-
Total	9	9	9	9	9	9	9	9

Fuent: MUNICAT, en a pachina web d'a Generalitat de Catalunya.

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Àngel Ferràs i Tomàs	Convergència i Unió

Curiosidatz

Pablo Picasso teneba un amigo d'Horta y se sape que i estió vivindo dos temporatas (en 1898 y en 1909) una d'ellas recuperando-se d'una malautía veneria. Lo primer quadro suyo, constumbres aragonesas, se tresbatió y yera lo retrato d'un hombre vestito de baturro que probablement veyó en lo termin de Ledón u Arens de Ledón, a l'atro costato de lo río Algars (on teneba propiedatz lo suyo amigo). Uno de los pocos quadros suyos que no ye abstracto ye un ritrato de lo parache de Les Roques d'En Benet, uns mallos especials con forma de capeza d'animal. Lo pintor se inspiró en las suyas carreras, los suyos paisaches y la suya chent pa creyar las obras precursoras de lo cubismo. Lo tiempo que Picasso residió en Horta estió esencial, él mesmo dició: Todo lo que sé, lo he aprendido en Horta. Lo lugar inspiró a lo pintor en obras tan conoixitas como La montanya de Santa Bárbara, La bassa d'Horta y La fábrica. Pa profitar este reclamo turistico en Horta bi ha un museu de Picasso con copias de los suyos quadros.

Vinclos externos

• Se veigan as imáchens de Commons sobre Horta de Sant Joan.
• (ca) Ayuntamiento d'Horta
• (ca) Información d'Horta de Sant Joan en a pachina web d'a Generalitat de Catalunya.
• (ca) Información d'Horta de Sant Joan en a pachina web d'o Institut d'Estadística de Catalunya.