Tellau

Una casa con tellau de lenastras.

O tellau (en as parlas con mas tendencia a conservar as consonants xordas entre vocals tellato) ye a superficie superior de muitos edificios, de regular con bell tipo d'inclinación, pensada y feita ta evacuar as precipitacions y privar que a humedat i penetre ta l'interior.

Seguntes a organización d'o edificio, os tellaus tienen una u mas versants u baixants. L'anglo a on que converchen dos baixants, en aragonés, se diz auguabatient u auguarrompient. O verbo que describe l'acción de meter-le o tellau a una construcción ye «cubillar».

Tellaus, se'n puede trobar feitos de materials diversos, anque os más comuns en Aragón son os de tellas y en qualques zonas de l'Alto Aragón os tradicionals son de lenastro. Belatros materials como a madera y a palla/feno s'han emplegau ta cubillar os edificios secundarios, como bordas, cabanas u estallos. En muitos puestos os tellaus tradicionals mas pesants s'han substituiu por materials leveros sinteticos, como as tolas de fibrocemento.

Se veiga tamién

• Tella (material de construcción).
• Rafe.
• Canet (arquitectura).
  • Modillón.
• Cuminera.
• Biga.
  • Fuste.
  • Costaler u traveser.
    • Quiebro u quebro.
  • Quairón (arquitectura).
  • Cantilada.
• Lenastra.
• Lenato.
• Tola.

Vinclos externos

• Se veigan as imáchens de Commons sobre tellaus.