Daroca

Daroca. Fuent d'os vente canyos.

Daroca ye una ciudat aragonesa situata en a comarca d'o Campo de Daroca. A suya población ye de 2.274 habitants (2007), en una superficie de 52,24 km² con una densidat de población de 43,81 hab/km².

Cheografía

Daroca ye situata en a fuesa de Daroca, una semifuesa con dirección NW-SE encaixada adintro d'a Depresión de Calatayú y Mont-albán y con o Río Xiloca en lo suyo fondón. Daroca se situa a 797 metros d'altaria sobre o libel d'a mar.

Mugas

O suyo termin municipal muga con Nombrevilla, Villanueva de Xiloca, Val de Forna, Val de Sant Martín, Val Conchán, Forcallo, Manchons, Retascón y Villarroya.

Historia

En o periodo andalusí Daroca feba part d'o districto de Calatayú y fue fortificada por os Tuchibís dende a segunda mitat d'o sieglo IX pa defender-se u estar prevenius d'os Banu Qasi.

La reconquerió Alifonso I d'Aragón o Batallero en 1121 y li dió un primer fuero. Dimpués d'a Batalla de Fraga y a muerte d'o Batallero a zaguera mención d'un tenent ye d'octubre de 1134 y Daroca fue quasi abandonata. Por quasi seis anyadas Daroca quedó despoblata.

Dende mayo de l'anyo 1140 encomienza a ser citato o tenent Sancho Inyiguez, que ya heba estato tenent de Daroca enantes. A febleza d'os almorabetz permitió a los cristians aragoneses de reocupar Daroca. Remón Berenguer IV li dió un segundo fuero en 1142, con este fuero Daroca esdevinió a capital d'a Comunidat de Daroca. En 1294 se concede a Daroca o dreito a celebrar ferias. En 1366 o rei Pero IV li dió o titol de ciudat.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés	5	2	4	3	2	2	3	4	5
Partido de los Socialistas de Aragón	2	8	7	6	5	5	4	4	3
Partido Popular	-	1	-	2	4	3	4	3	3
Izquierda Unida	-	-	-	-	0	1	0	-	0
Unión de Centro Democrático	4	-	-	-	-	-	-	-	-
Total	11	11	11	11	11	11	11	11	11

Alcaldes

Lista d'alcaldes

Lechislatura	Nombre	Partito politico
1979–1983	José Antonio García Llop	Unión de Centro Democrático
1983–1987	José Antonio García Llop	Partido de los Socialistas de Aragón
1987–1991	José Antonio García Llop	Partido de los Socialistas de Aragón
1991–1995	José Antonio García Llop	Partido de los Socialistas de Aragón
1995–1999	José Antonio García Llop	Partido de los Socialistas de Aragón
1999–2003	José Antonio García Llop	Partido de los Socialistas de Aragón
2003–2007	José Antonio García Llop	Partido de los Socialistas de Aragón
2007–2011	Álvaro Blasco Martín	Partido de los Socialistas de Aragón
2011–2015	Miguel García Cortés	Partido Aragonés

Puestos d'intrés

• Murallas medievals (con mas de 4 km.)
• Puertas d'a muralla.
• Fuent de los vente canyos.
• Ruejo del Milagro, un ruello miragloso que salvó a Daroca quan se i embadinaba l'augua.

Molimentos relichiosos

• Ilesia de Sant Miguel.
• Ilesia de Sant Chuan.
• Iglesia de Santo Domingo.
• Basilica de Santa María de los Sagratos Corporals (Estió colechiata).

En la Edat Meya i heba diez ilesias: Santa María, Sant Per, Sant Andreu, Sant Chuan, Santo Domingo, Sant Miguel, Sant Chaime, Sant Martín, Sant Lorent y Sant Valero.

Presonalidatz naixitas de Daroca

Categoría principal: Naixitos de Daroca.

Celebracions

• Festival de Musica Antigua (Chulio).

Vinclos externos

• Se veigan as imáchens de Commons sobre Daroca.
• Daroca datos alazetals
• Comarcas de Daroca y Calamocha