Basco soletán

Senyal en vasco y francés de Bienplegata a Sola entre Barkoxe y Eskiula, chusto a la entrata de Sola: Xiberoa. Eüskal bihotza. Onki Jin. - Soule. Le Coeur Basque. Bienvenue.

O soletán (en euskara batua zuberera, en soletán "xiberotarra" u "xiberoko eüskara") ye un euskalkia u dialecto d'o euskara charrato en quasi tota Sola y en Eskiula, esta zaguera localidat situata en Biarn, y huei a sola localidat fuera d'Euskal Herria on se charra o euskara como idioma materno.

Por a suya localización, o soletán tien influencia d'o biarnés (occitán) en o vocabulario y en a fonolocía. Se tracta d'un dialecto de gran homocheneidat, estando dividito en dos subdialectos: O de Pettarra a lo norte y lo de Basabürü a lo sud. Ciertos lugars de Sola s'amanan a lo euskara de Amikuze, que ye una parla de transición entre o soletán y o dialecto baixo-navarro. Ditos lugars son Domintxaine-Berroeta, Arüe-Ithorrotze-Olhaibi, Lohitzüne-Oihergi y Etxarri.

Por estar tan luent Sola y Vizcaya d'o centro d'as tierras de luenga vasca, o dialecto soletán chunto con o dialecto vizcaín son os que presentan diferencias mes grans con respecto a lo vasco cheneral y a l'actual euskara batua (que actualment representa o vasco cheneral porque se basa en una parla central equidistant de totas a la que s'anyaden os neolochismos y formas consideratas correctas). As diferencias entre o soletán y o vasco batua consisten en a pronunciacion (accento marcato, la ü vueita y as sibilants sonoras), o vocabulario y morfolochia. Entre totz os euskalkis, ye o que ye més a man con o dialecto roncalés actualment desapareixito, dica o punto que Louis Lucien Bonaparte los clasifico como un solo dialecto d'o idioma vasco.

Vocabulario

Qualques particularidatz lingüisticas soletanas

	Aragonés	Euskara batua	Soletán
Adverbios :	nunca	sekula(n)	sekülan
	a sobén	maiz, sarri	üsü
Adchectivos :	bien	ongi, ondo	hunki, ontsa, huntsa
	polito, fermoso	eder	eijer
Verbos :	desvenir-se	gertatu, jazo	agitü
	haber	ukan	üken
	plevia	euri	ebi
	terminar	bukatu, amaitu, urrendu	ürrentü
	venir	etorri, joan	jin
Nombres :	cocina	sukalde	sükalte
	flor	lore, lili	lili
	lugar	alde, leku	atze, lekü
	mont, montanya	mendi, bortu	bortü, borthü
	plevia	euri	ebi
	poeta	bertsolari	koblakari / bertsulari
	sol	eguzki/eki	eki, ekhi
	salida	irten, atera, ilki	elki
	Sola	Zuberoa	Xiberoa
Embotatas :	(no documentato)	Lapurtar, Behenafar	Manex (embotata que fan servir en Sole para os habitants de Labort y Baixa Navarra)