Munebrega

Munebrega (Munébrega en espanyol) ye un municipio d'a provincia de Zaragoza (Aragón), situato en a Comunidat de Calatayú. A suya población ye de 437 habitants, en una superficie de 41 km².

Cheografía

Dengún río trescruza o lugar, l'unico cauz ye a Rambla d'o Molín.

Historia

Ya existiba un poblato celta en iste puesto clamato Munebrix (o suyo nombre celtibero yera Mundobriga), nuclio que se conservó en as epocas romana, visigoda y musulmana.

Toponimia

Munebrega ye una clara derivación de Mundobriga. En os textos medievals escritos es latín s'escribiba Monobrega.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés									4
Partido Popular									3
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	José Félix Lajusticia Rubio	Partido Aragonés
2011–2015	José Félix Lajusticia Rubio	Partido Aragonés

Molimentos y puestos intresants

Ilesia de Nuestra Sinyora de l'Asumpción.

Conzello.

O molimento mas intresant ye a ilesia de Nuestra Sinyora de l'Asumpción d'estilo mudéchar y que data d'o sieglo XIV, anque en realidat nomás conserva d'ixa epoca a planta. En o interior bi ha retablos d'os sieglos XVI-XVIII.

O basal que se troba a os arredols de Munebrega se creyó fa mas de 600 anyadas.

Tamién ye intresant o Museu Parroquial a on s'exposan entre atras cosas os retratos de totz os fillos de Munebrega que tenioron puestos destacatos en a ilesia, a diplomacia u a melicia.

Presonalidatz naixitas de Munebrega

• Categoría:Naixitos de Munebrega

I ha habito muitos personaches ilustres naixitos en Munebrega siet bispes, tres arcebispes, un cardenal, embaixadors de reis, escritors, pintors, un chusticia d'Aragón y o mas destacado Johan Ferrández d'Heredia, qui estió Gran Mayestre d'a Orden d'o Hespital.

Fiestas

• Virchen d'o Mar y Virchen d'a Costera, segundo domingo de mayo.
• Sant Felis y Sant Inacio, 6 de setiembre.
• Sant Cristofo, 10 de chunio (romería).

Vinclos externos

• Se veigan as imáchens de Commons sobre Munebrega.