Bavaro central

O baverán central (en baverán Mittlboarisch) ye un dialecto d'o idioma baverán. Se charra en a Baixa y l'Alta Bavera, a o sud de l'Alto Palatinato, en Flachgau, en l'Alta Austria, a Baixa Austria y Viena gesprochen. En zonas mugants d'o Tirol, Salzburgo (sin Flachgau), l'Alta Estiria y Burgenland se charran variedatz d'o subdialecto baverán central meridional.

Iste dialecto tien muita influyencia sobre os dialectos baverans meridional y septentrional , ya que quasi todas as grans ciudatz de l'aria de distribución d'o baverán se troban en compleganza d'o Danubio; lo que fa que o baverán central tienga un gran prestichio mesmo difuera d'as arias a on se charra. As diferencias rechionals entre as variedatz d'as tierras baixas d'o Danubio entre o río Lech y o Leitha son por un regular menors que entre as diferents vals que composan o dominio d'o baverán meridional.

Caracteristicas

Una caracteristica cheneral d'iste dialecto ye que as consonants oclusivas xordas como p, t, k se sonorizan como b, d, g, por eixemplo Bèch, Dåg, Gnechd (en alemán estándar "Pech, Tag, Knecht"). Manimenos a k- se conserva xorda si va en posición inicial debant d'una vocal (por eixemplo en Khuá, debant de l'alemán estándar "Kuh"). Amás as parolas con rematanza en -n tienden a nasalizar a vocal precedent, desapareixiendo amás a "n" final como en kôô (en alemán estándar "kann", tamién sin nasalizar ko) u Môô (en alemán estándar "Mann", tamién sin nasalizar Mo). A nasalización u no d'a vocal pende de cada rechión.

Subdialectos

O baverán central se gosa dividir en baverán central occidental (en baverán Westmittlboarisch, tamién conoixito como "baverán viello") y baverán central oriental (en baverán Ostmittelbairisch). A muga entre as dos variedatz se troba en l'Alta Austria, encara que debiu a la fuerte presión d'o dialecto vienés se ye desplazando enta a muga entre Bavera y Austria. As variedatz central septentrional y central meridional son de transición enta os respectivos dialectos septentrionals y meridionals.