Val de Tena

Ambista d'a Bal de Tena

A Bal de Tena se troba en a bersán sur dero Perineu, en a redolata de l'Alto Galligo e ra trescruza o río Galligo de norte ta sur. B'ha dos entibos en o río: o de Lanuza e ro de Bubal. O Estreito Closura u de Santa Elena siñala ra dentrata á ra bal dende ra Tierra de Biescas. Ye comunicata con a bal d'Osal, en o Biarn, por o puerto dero Portalet dera Nieu.

Os lugars dera Bal son Fornigal, Sallén de Galligo, Lanuza, Escarriella, Pandicosa, O Pueyo de Tena, Sandiniés, Tramacastiella, Piedrafita, Oz de Tena, Bubal, Saqués e Polituara. D'antis más a bal se trestallaba en tres quiñons: Sallén e Lanuza; Pandicosa, O Pueyo e Oz; e A Partacúa.

A suya economía ye tradizionalment ganadera con bela cosa d'agricultura e autualment tamién s'alazeta en o torismo sobre tot relazionato con a nieu e ros recursos idroeleutricos.

Ye rodiata de montañas de más de 3.000 metros, como son o Pico Os Moros, Bachimaña us Os infiernos.

O chentilizio dera bal ye tensino/a, igual que ro dialeuto de l'aragonés que charran os suyos abitans.

Enrastres esternos

• Pachina d'a Bal de Tena