Diferencia entre revisiones de «Punta Escarra»

De Biquipedia
Contenido eliminado Contenido añadido
Sin resumen de edición
Sin resumen de edición
Linia 54: Linia 54:


[[Categoría:Montanyas d'Aragón|Escarra]]
[[Categoría:Montanyas d'Aragón|Escarra]]

[[en:Espadas Peak]]

Versión d'o 21:59 8 chul 2015

Punta Escarra

Punta Escarra dende as pistas de Fornigal
Situación
Latitut
Lonchitut
Vértiz cheodesico Error d'expresión: operador / no asperau/0.pdf
Cheografía
Cordelera Pireneus
Sierra
Macizo
Altaria 2760 m
Primera puyada
Ruta mas fácil
Mapa

A Punta Escarra ye una tuca pirinenca situata entre as vals de Tena, a Canal d'Izas y o Circo d'Ip, amán d'a Pala d'Ip. Ye a muga entre os municipios de Samianigo, Sallent de Galligo y Canfranc, a suya versant norueste ye canfranera, la sud samianiguense y la este sallenuta. Con una altaria de 2.748 m ye a quatrena tuca en altaria d'o Cul d'Ip, dimpués de Collarada, a Pala de Ip y a Pala d'Alcanyiz. Zarra o cul por o noreste y s'une con a Pala de Ip enta o norueste y con o pico Huembro d'Escarra enta o sudueste.

Rotas

No bi ha garra rota prou fácil ta puyar enta ista polida tuca. Todas son luengas y amenistan de bell trampo d'escalada prou dificil por a suya verticalidat u exposición, a on se recomienda l'uso de cuerda, encara que no ye estrictament necesaria para montanyeros experimentaus (dificultat II).

Desde o ibón d'Ip

Iste recorriu ye luengo y se recomienda aturar a dormir en o cubilar no guardau que bi ha chunto a o ibón d'Ip, recientement esviellau. Se puet plegar dica o ibón por cualsiquiera d'os diferents itinerarios que existen dende Canfranc u dende Os Aranyons.

Una vegada astí, se rodia o ibón por o canto cucho, pasando baixo o corridor sud d'acceso ta a Pala de Ip, y plegando ta un vallón entre a Pala de Ip y a Punta Escarra. Se puya dita cuenca por a marguin cucha d'o torrent enta una glera, que rodiaremos por o suyo canto cucho, trescruzando o torrent. Mientres puyamos trobaremos trazas de senda y bella fita que mos guidan enta a base d'o pico. Una vegada astí bi ha dos opcions ta plega en a tuca:

  • A mas recomendable consiste en buscar una zona poco inclinada y delgada en iste primer contrafuert d'a montanya. Ista chicota chaminera ye chusto a un tercio de l'ariesta NO y a dos tercios de l'ariesta SO. Se puya enta a cucha (20 metros, dificultatz I, II-, I, bi ha uns cordinos ta un posible rápel de 20 m a la baixada). Se sale a una chicota terraza por a que se contina facilment dica l'ariesta NO. Dimpués d'una cingla a la cucha por a que salimos a la cara nort d'o pico, se trepa por una canaleta d'atros 20 m paralela a la ariesta, (dificultatz I+, II-, parabolts, opción de rápel de 40 m dica a base), saliendo en iste punto a una caracteristica breca en l'ariesta NO, a on desemboca a segunda alternativa. Dende aquí se torna enta a cara norte por unas viras y cinglas a la cucha que ascape se pierden pero mos permiten trepar por una diagonal a la dreita (dificultat I+, una mica exposada, 30 m) que mos deixa en una reunión muit bien equipada. Dende aquí, una nueva diagonal con lastras (dificultad I, 35m), enta a dreita y amán de l'ariesta, mos leva enta a tuca. Bi ha un anclache de cadena en a cima ta rapelar.
  • Si se quieren evitar as primeras trepadas, se puet prener a siguient alternativa, encara que va por terreno exposau y inestable: en cuentas de trepar o primer murallón rocoso d'o pico, se puya a la cresta d'a cucha, enta o collau de salida d'o corridor norte, chunto a un crebau chendarme. Se contina por ella dica o espolón rocoso que se rodia por a dreita. A la cucha s'ubre una canal con buenas cinglas en primeras y que mos leva enta una vira dimpués d'un nuevo espolón, habendo de trepar por chicotas cinglas con rocas una mica descompuestas ([dificultad I+) dica salir a la breca de l'ariesta, a on enlazamos con o itinerario anterior.

Por o corridor norte (dificultat PD)

O corridor norte de Punta Escarra, encara que ye una vía d'acceso a la tuca realment espectacular y atractiva d'hibierno, tiene una fama una mica siniestra, pues ha estau scenario de quantos accidents debiu a la suya gran propensión a la formación de lurtes (d'hibierno) y a la cayida de piedras (en verano). Se tracta d'n empinau corridor de piedras sueltas (con nieu 45º), de bells 250-300 m.d. y dos resaltes de II mixto. A salida, en función d'a nieve que bi haiga, puet presentar inclinaciones de dica 55º.

Dica a base d'iste corredor se puet plegar dende Os Aranyons (Col de Ladrones) u dende o Fornigal (pista d'esquí de "Sarrios").

Dende Acumuer

Se i puet puyar tamién por a luenga val d'o río Aurín por una pista de bells 8 km zarrada a o trafico y dimpués por sendero dica o ibón de Bucuesa. Dende astí se puya baixo a Pala de Alcañiz y a Punta de l'Alica enta o collau que bi ha entre os Campanals d'Ip y o Huembro d'Escarra. Una vira horizontal muit exposada baixo a ladera este d'ista tuca, mos permite unir-nos a la vía normal d'a cara norte.

Vías d'escalada

Bellas vías d'escalada: [1]

  • Ariesta SO, dende a suya base: dificultat D, 160 m.d.
  • Ariesta NE, dende o Collau d'Escarra: dificultat D, con pasos de dificultat V- y 560 m.d.
  • Vía Moral Tomé en a cara norte, dende a suya base: dificultat D, 480 m.d.

Referencias

  1. Atela, David. 100 cumbres del Pirineo Aragonés. 6ª Edición, 2004. SUA Edizioak. Bilbau. ISBN 84-8216-053-2

Vinclos externos