Rutenio

O rutenio ye un elemento quimico de numero atomico 44 situato en o grupo 8 d'a tabla periodica d'os elementos. O suyo simbolo ye Ru. Ye un metal de transición, poco abundant, d'o grupo d'o platín. Se troba por un regular en menas de platín y s'emplega como catalizador en bellas aleyacions de platín.

Caracteristicas prencipals

Meya barra de rutenio muit puro (99,99%)

Ye un metal blanco duro y fráchil; presenta quatre formas cristalinas diferents. Se disuelve en bases funditas, y no ye atacato por acidos a temperatura ambient. A altas temperaturas reacciona con halogens y con hidroxidos. Se puet aumentar a dureza d'o paladio y o platín con chicotas cantidatz de rutenio. Igualment, l'adición de chicotas cantidatz aumenta a resistencia a la corrosión d'o titanio de forma important. S'ha trobato una aleyación de rutenio y molibdén superconductora a 10,6 K.

Os estatos d'oxidación mas comuns son +2, +3 y +4. Bi ha compuestos en os que presenta un estato d'oxidación dende 0 dica +8, y tamién -2. O tetraoxido de rutenio, RuO₄ (estato d'oxidación +8), ye muit oxidant, mas que l'analogo d'osmio, y se descomposa violentament a altas temperaturas.