Zirconio

Plantilla:Elementbox O zirconio ye un elemento quimico de numero atomico 40 situato en o grupo 4 d'a tabla periodica d'os elementos. O suyo simbolo ye Zr.

Ye un metal duro, resistent a la corrosión, parellán a l'acero. Os minerals mas importants en os que se troba son o zircón (ZrSiO₄) y a badeleyita (ZrO₂), encara que a causa d'o gran pareixito entre o zirconio y l'hafnio (no bi ha atros elementos que se pareixen tanto entre si) realment istos minerals son mezclas d'os dos; os procesos cheolochicos no han estato capables de deseparar-los. S'utiliza mas que mas en reactors nucleyars (por a suya baixa sección de captura de neutrons) y ta fer parti d'aleyacions con alta resistencia a la corrosión.

Caracteristicas

Barra de zirconio

Ye un metal blanco grisenco, brillant y muit resistent a la corrosión. Ye mas lichero que l'acero con una dureza parellana a la de l'arambre. Quan ye finament dividito puet cremar-se espontaniament en contacto con l'aire (reacciona antis con o nitrochén que con l'oxichén), especialment a altas temperaturas. Ye un metal resistent a os acidos, pero se puet disolver con acido fluorhídrico (HF), segurament formando complexos con os fluoruros. Os suyos estatos d'oxidación mas comuns son +2, +3 y +4.

Se veiga tamién

• Zircaloy

Vinclos externos

• (en) webelements.com - Zirconio
• (en) environmentalchemistry.com - Zirconio