Timor Oriental

Timor Oriental u Timor Este ye un país d'o sudeste d'Asia formato por a metat oriental d'a isla de Timor, as islas vicinas d'Ataúro y Jaco, y tamién Ocusi-Ambeno, un enclau politico de Timor Oriental situato en o canto ueste d'a isla, rodiato por Timor Occidental que fa parte d'Indonesia. A capital d'o país ye Dili.

A suya población ye de 1.019.252 habitants (2004) en una superficie de 15.007 km², con una densidat de población de 68 hab/km².

Estió una colonia portuguesa dica 1975, quan fue invadito per Indonesia. Romanió oficialment como territorio portugués per descolonizar dica 1999. Fue considerato per Indonesia como a suya provincia numero 27. O 80% d'o pueblo timorés esleyió a independencia en referendo organizato per as Nacions Unitas.

A luenga més charrata en Timor Oriental ye o tetun, que ye oficial chunto con o portugués.

División administrativa

Timor Oriental ye subdividito en 13 districtos administrativos:

• Aileu
• Ainaro
• Baucau
• Bobonaro
• Cova-Lima
• Dili
• Ermera
• Lautém
• Liquiçá
• Manatuto
• Manufahi
• Oecusi-Ambeno
• Viqueque

Cheografía

Timor Oriental poseye un territorio de 18 mil km², ocupando a parti oriental d'a isla de Timor. O país ye asabelo montanyoso y ha un clima tropical. Con plevias d'os rechímens d'os monzons, concara alurtes de tierras y freqüents inundacions. O país poseye 800 mil habitants.

Demografía