Linars de Broto

Linars de Broto (Linás de Broto en castellán) ye un lugar aragonés d'o municipio de Torla, antigo municipio independient junto con Viu que estió adihibiu ta Torla bien adintrau o siaglo XX.

O nuclio de Linars ye travesato por a carretera N-320 de Broto enta Biescas, en as ripas d'o Sorrosal, y no tien sique 17 casas esparzas, distribuitas en 3 vicos; O Frontón, o Vico y Bajera. Son alteras Casa Parache, con as suyas dos puertas con arco de meyo punto, y dobelas, con dos grans escutos heraldicos en a frontera, Casa Camón con as suyas partis mas antigas con una portalada d'arco d'o 1794, y Casa Roca que teneba un escuto heraldico que fue retirau por o suyo amo ya en habe de tiempos.

Una mica mas luent d'o lugar s'alza a suya ilesia, consagrata ta Sant Miguel, con una portalada caracteristica, actualment zarrada por baranas de fiarro, que tien l'arcada más central de mida más gran que no as laterals. Fue rematada en o 1587, anque a primera fase constructiva ya s'heba feto en a metat d'o mesmo siaglo, dimpués se remodeló en 1960.

Amán de Linars de Broto se troba o deposito glacio-lacustre mes gran de tot o Pireneu, correspondient a un laco chuxtaglacial que se fizo quan a chelera de l'Ara entibó l'augua d'o río Sorrosal.

Barranco del Monte, Linars de Broto.

Fiastas

• 20 de chinero, fiasta d'hibierno fendo honor ta Sant Sabastián.
• 29 de setiembre, chunto con Viu, Fiasta Mayor fendo honor ta Sant Miguel.

Vinclos externos

• Se veigan as imáchens de Commons sobre Linars de Broto.
• (es) Asociación cultural y de vecins Tendenyera, de Linars y Viu
• (es) Mapa interactivo de Linars de Broto
• (es) Estatisticas de Linars en o portal AragonEsAsi.com