Tokio

Tokio
Localidat de Chapón
Tokio de nueitz
Estau  • Rechión  • Isla	Chapón Kantō Honshū
Población  • Total	14047594 hab. (2020)
Altaria  • Meyana	989,4 m.
Coordenadas	35°41’21’’N139°41’30’’E
Tokio Tokio en Chapón
Web oficial

Tokio (en chaponés 東京, Tōkyō) ye a capital de facto de Chapón, situata en o centro-este d'a isla Honshu.

Tokio ye actualment a ciudat mas poblata d'o mundo, con bells 38 millons d'habitants.

O Instituto de Población, en o suyo informe anyal, preveye que l'anyo 2020 Mumbai (India) pasará a estar a ciudat mas poblata d'o mundo.

Anque o nombre Tokyo sería una romanización más correcta d'o nombre orichinal, o nombre d'a ciudat ye Tokio en aragonés, castellán, alemán, neerlandés y esperanto, entre atros. En anglés y atros idiomas s'escribe Tokyo, anque d'antis más tamién s'escribiba Tokio. En catalán s'escribe Tòquio. Atros nombres antigos d'a ciudat son Tokei, Edo y Yedo.

Tokio tien tres distincions cheograficas en o suyo significato.

1. Prefectura de Tokio ye o gubierno local con o nombre de Tokio. A suya población ye de 12.064.101 habitants y a suya superficie de 2.186,9 km².
2. Anque no existe un municipio clamato Tokio, a ciudat de Tokio como se la conoixeba en 1943, ye hue a ciudat mas gran y capital de Chapón, con una población de 8.134.688 habitants y una superficie de 621,3 km².
3. L'aria metropolitana d'a rechión sud de Kanto que pende de Tokio y atras tres prefecturas vecinas, ye a sobén considerata l'aria metropolitana mas gran d'o mundo. As quatre prefecturas en conchunto poseyen una población de 33.418.366 habitants y una superficie de 13.555,8 km².

As poblacions u superficies son d'alcuerdo a lo censo realizato en l'anyo 2000.

Mientres os anyos 1950 y 1960 Tokio tenió un gran millora economica, construyendo-se hi a segunda linea de metro en 1954, a Torre de Tokio en 1958 y en os anyos 1960 coincidiendo con os Chuegos Olimpicos de 1964 bi ha un gran cambeyo en infraestructuras y equipamientos esportivos, turisticos, comunicacions y servicios, construyendo-se hi a primera linea de Shinkansen (Tōkaidō Shinkansen), o tren d'alta velocidat chaponés, y as instalacions esportivas que encara hue son utilizatas. Tamién tenió una gran explosión industrial estando o centro d'a industria de Chapón que estió referencia mundial en industrias de l'acero, l'automoción, electrodomesticos y elecronica.

Transporte

• Aeropuertos : Aeropuerto Internacional de Narita, Aeropuerto Internacional de Tokio (Aeropuerto Haneda).
• Garas: Gara d'Akihabara, Gara d'Ikebukuro, Gara de Shibuya, Gara de Shinagawa, Gara de Shinjuku, Gara de Tokio y Gara d'Ueno.

Esporte

Competicions esportivas

Tokio estió l'anfitriona d'os Chuegos Asiaticos en a suya edición de 1958, os Chuegos d'a XVIII Olimpiada d'a era moderna en l'anyo 1964, y estará a seu d'os Chuegos d'a XXXII Olimpiada d'a era moderna en l'anyo 2020.

Localidatz achirmanatas

• 1960: Nueva York, Estados Unidos.
• 1979: Pekín, China.
• 1982: París, Francia.
• 1984: Nueva Galas del Sur, Australia.
• 1988: Seúl, Corea del Sur.
• 1989: Yakarta, Indonesia.
• 1990: O Caire, Echipto.

  Estato de Sao Paulo, Brasil.

• 1991: Moscú, Rusia.
• 1994: Berlín (Alemanya).
• 1996: Roma, Italia.

Vinclos externos

• Se veigan as imáchens de Commons sobre Tokio.
• (en) Pachina web de toristo de Tokio.
• (en) Pachina web d'o gubierno metropolitano de Tokio.