Diferencia entre revisiones de «Buenos Aires»
| Linia 66: | Linia 66: | ||
== Esporte == |
== Esporte == |
||
=== |
=== Escaicimientos esportivos === |
||
En l'anyo 1942 a ciudat yera a seu d'a I edición d'os [[Chuegos Panamericans]], pero no se podioron celebrar y se postponioron por a [[Segunda Guerra Mundial]]. Dimpués d'o termin d'a guerra estioron organizatos en l'anyo 1951 a [[Chuegos Panamericans de 1951|I edición]] d'os [[Chuegos Panamericans]] que replegaron mes de 2.500 atletas de 21 países. |
En l'anyo 1942 a ciudat yera a seu d'a I edición d'os [[Chuegos Panamericans]], pero no se podioron celebrar y se postponioron por a [[Segunda Guerra Mundial]]. Dimpués d'o termin d'a guerra estioron organizatos en l'anyo 1951 a [[Chuegos Panamericans de 1951|I edición]] d'os [[Chuegos Panamericans]] que replegaron mes de 2.500 atletas de 21 países. |
||
== Localidatz achirmanatas == |
== Localidatz achirmanatas == |
||
Versión d'o 13:39 27 avi 2014
| Buenos Aires | |||
| Ciudat autonoma d'Archentina | |||
| |||
 | |||
| Estau • Provincia • municipio |
 ArchentinaProvincia de Buenos Aires Ciudat Autonoma de Buenos Aires | ||
| Población • Total |
3120612 hab. (2022) | ||
| Altaria • Meyana |
20 m. | ||
| Codigo postal | C1000-14xx | ||
| Ríos | Río de la Plata | ||
| Coordenadas | |||
| Web oficial | |||
Buenos Aires (Ciudad de Buenos Aires u Ciudad Autónoma de Buenos Aires oficialment) ye a ciudat capital de l'Archentina, amás d'estar a capital d'a provincia homonima. Con os suyos 3.042.581 habitants en l'anyo 2008, teneba una superficie de 203 km² y una densidat de población de 14.988,08 hab/km². Ye a ciudat más poblata d'Archentina y, con a suya aria metropolitana, a segunda ciudat d'America d'o Sud.
Buenos Aires ye en una plana en a marguin dreita d'o Río de la Plata, con una longaria de 19,4 km de norte ta sud y una amplaria de 17,9 km d'este ta ueste. A l'este d'a ciudat bi ha una gran plana, clamata plana d'a Pampa, rechión de gran riqueza agricola.
A principal actividat economica local ye o sector d'os servicios u sector terciario; a industria ye o segundo.
Ye amás amás un centro important d'actividat cultural, con abundancia de museus, bibliotecas u teatros; ye tamién a seu d'as principals universidats de l'Archentina.
.JPG)
Historia
Fundación d'a ciudat
Fue fundata o 3 de febrero de 1536 con o nombre de Nuestra Señora del Buen Ayre u Nuestra Señora del Buen Aire por l'espanyol Pedro de Mendoza y fue albandonata en 1541, dimpués de ser enrunata por os indios. Fue atra vez fundata l'11 de chunio de 1580 por Juan de Garay con chents procedents d'o Paraguai y con o nombre de Ciudad de La Santísima Trinidad y Puerto de Santa María del Buen Ayre, depenendo d'o Visorreinato d'o Perú, con capital en Lima.
Primeras anyadas d'o Buenos Aires colonial
O desarrollo d'a ciudat estió escaso, por estar apartada d'as principals rutas comercials espanyolas, que dende Perú iban ta Panamá y ta Europa, albandonando o sud de l'Ocián Atlantico. Ista situación cambió en 1776, porque esdevenió a capital d'un nuevo bisorreinato, o Visorreinato d'o Río d'a Plata, con a intención d'evitar a expansión portuguesa ta o sud dende Brasil y ta formar un territorio homochenio, que no depenese d'o contrabando con os portugueses de Brasil ta recibir as mercaderías.
Asinas, a ciudat dentró en as rutas comercials, y tamién en as rutas d'o contrabando britanico. Penetroron asinas tamién en o país as ideyas politicas liberals que en ixas calendatas se desarrollaban en Europa y as ideyas d'independencia, impulsatas dimpués con a invasión d'Espanya en 1808 por Napoleón I y con a Guerra d'Independencia espanyola.
As Guerras napolionicas
Mientres as Guerras napolionicas en Europa, o Gubierno espanyol estió en principio un aliato de Napolión Bonaparte, en guerra con o Reino Unito. Ye por ixo que o 27 de chunio de 1806 un Exercito britanico mandato por William Carr Beresford s'apoderó d'a ciudat sin bi trobar quasi resistencia, porque no bi heba denguna unidat melitar organizata. Sindembargo, o 12 d'agosto un exercito espanyol organizato en Montevideo (hue Uruguai) mandato por o francés Jacques de Liniers redotó a os britanicos. En 1807, una expedición britanica mandata por John Whitelocke prenió a ciudat de Montevideo, y o 5 de chulio tentó d'atacar Buenos Aires, encara que fue redotata por as Milicias d'a ciudat, organizatas y mandatas por Liniers.
Como o Gubierno espanyol no podeba enviar-ie tropas, os criollos prenioron conciencia d'a suya situación de poder, demandando fer parte tamién d'o poder politico en a colonia, como ya en feban d'o poder melitar. Ista situación, amás d'o creiximiento d'as ideyas liberals, estió o chermen d'a clamata Revolución de Mayo (18-25 de mayo de 1810), primer gubierno independient en a historia d'Archentina.
A independencia
Con a independencia d'Archentina, a ciudat de Buenos Aires, que ya teneba 40.000 habitants, esdevenió un important centro importador de produtos d'orichen britanico, en sustituindo as importacions procedents d'Espanya. Buenos Aires yera o centro politico hechemonico d'a redolada, pero tamién as oligarquías d'atras ciudatz amanatas teneban os suyos propios prochectos politicos.
Asinas, fecioron aparición as tensions con os territorios de l'antigo Visorreinato d'o Río d'a Plata, y Archentina dentró en un periodo d'inestabilidat politica.
Climatolochía
.PNG)
O clima de Buenos Aires ye templato humido, con una temperatura meya anyal de 17,6 °C y una plebida anyal de 1.147 mm.
O tiempo d'as plevias ye en verano, encara que os días sin sol son más freqüents en hibierno. As plevias de verano son intensas, en forma de tronadas, con grans cantidatz d'augua caita en poco tiempo. En hibierno, as plevias son más débils, encara que ternes.
Os veranos son calorosos, con temperaturas meyas en chinero de 24,5 °C; os hibiernos son suaves, con temperatura meya en chunio de 11 °C.
Demografía
A población de Buenos Aires abió una important expansión durant o sieglo XIX y as primeras decadas d'o sieglo XX, con a inmigración procedent d'Europa.
Esporte
Escaicimientos esportivos
En l'anyo 1942 a ciudat yera a seu d'a I edición d'os Chuegos Panamericans, pero no se podioron celebrar y se postponioron por a Segunda Guerra Mundial. Dimpués d'o termin d'a guerra estioron organizatos en l'anyo 1951 a I edición d'os Chuegos Panamericans que replegaron mes de 2.500 atletas de 21 países.
Localidatz achirmanatas
.svg){kind=small}
.svg){kind=small}
Vinclos externos
Se veigan as imáchens de Commons sobre Buenos Aires.- AtlasDeBuenosAires.gov.ar (atlas ambiental de Buenos Aires).
- BUE.gov.ar (torismo en Buenos Aires)].
- BuenosAires.gov.ar (portal d'o Gubierno d'a ciudat de Buenos Aires).
- BuenosAires.gov.ar (camaras en vivo d'a ciudat; transito).
- Mapa.BuenosAires.gov.ar (información cheografica de Buenos Aires: pachina web oficial con mapas, fotos satelitals y atra información publica).
