Irán

A Republica Islamica d'Irán ye un país d'Orient Meyo, que dica 1935 yera conoixiu como Persia. O país muga con Pakistán y Afganistán por l'este; Turkmenistán por o noreste, a Mar Caspia por o norte y Azerbayán y Armenia por o norueste; Turquía y Iraq por l'ueste y con a costa d'o Golfo Persico y o Golfo d'Omán por o sud.

A suya población ye de 71.208.000 habitants en una superficie d'1.648.195 km², con una densidat de población de 41 hab/km². A suya capital se troba en a ciudat de Teherán, que ye amás a ciudat con un numero d'habitants mes gran d'o país. Ye o 18^eno país d'o mundo por a suya superficie.

Politicament, dende a dita revolución iraniana de 1979 que derrocó a monarquía, Irán ye una republica, estando mas especificament definita como una republica islamica, rechita por un Líder Supremo d'Irán (actualment Alí Jamenei) y un President (actualment Mahmud Ahmadineyad). A suya luenga oficial ye l'idioma persa (encara que se i charran quantas atras luengas), estando o Rial a moneda oficial d'Irán.

A suya economía s'alaceta en o petrolio, estando Irán o tercer productor mundial d'ixe producto y o suyo segundo exportador d'entre os miembros d'a Organización de Países Exportadors de Petrolio (OPEP). Tien tamién grans reservas de gas natural.

Irán ye uno d'os puestos d'orichen de l'actual cevilización, y estió un puesto de transmisión de conoixencias dende India enta Occident y a l'inrevés, amás d'estar puesto de paso de conoixencias dende China. Mesmo a escritura amaneixió en o III milenio aC en Sumer. Sobre o suyo territorio se succedioron quantos pueblos y cevilizacions,como sumerios, acadios, babilonians, medians u persas, dica a conquiesta d'o territorio por Aleixandre Magno, y una atra vegata quantos pueblos y estatos como l'Imperio sasanida dica a suya conquiesta en o sieglo VII por os musulmans. Estió mientres a Edat Meya un puesto important en a Rota d'a Seda enta China. De totz istos periodos, o país conserva importants obras d'arte.

Cheografía d'Irán

Ta más detalles, veyer l'articlo Cheografía d'Iránveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Historia d'Irán

Ta más detalles, veyer l'articlo Historia d'Iránveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Politica d'Irán

Ta más detalles, veyer l'articlo Politica d'Iránveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Organizazión territorial

Irán se divide en 30 provincias (ostān):

Teherán. Qom. Markazi. Qazvin. Gilan. Ardabil. Zanyán. Azerbaichán Oriental. Azerbaichán Occidental. Kurdistán. Hamadán. Kermanshah. Ilam. Lorestán.

Khuzestán. Chahar y Bakhtiarí. Kohkiluyeh y Buyer Ahmad. Bushehr. Fars. Hormozgan. Sistán y Baluchistán. Kermán. Yazd. Ispahán. Semnán. Mazandarán. Golestán. Corastén Norte. Corastén Rasaví. Corastén Sur.

As provincias d'Irán.

Vinclos externos

• Se veigan as imáchens de Commons sobre Irán.
• (en) Oficina virtual d'o lider supremo d'Irán Sayyid Ali Khamenei.
• (en) Pachina web d'a presidencia d'Irán.
• (en) Pachina web d'Irán.