Villafermosa (Castellón)

Ta atros emplegos d'o toponimo Villafermosa se veiga Villafermosa (desambigación).

Villafermosa (Villahermosa del Río en castellán, Vilafermosa en catalán) ye un municipio d'a provincia de Castellón, situato en a comarca de l' Alto Millars. A suya población ye de 441 habitants (2005), en una superficie de 108,9 km² con una densidat de 4,05 hab/km².

Cheografía

Ye situato a l'ueste de Penyagolosa, quasi a lo suyo piet y en a val d'o río Linars, a la ezquierda d'este río, pero a gran altaria respecto a la ribera.

Mugas

O suyo termin municipal muga con Puertomingalvo, con Vistabella, con Castiello de Villamalefa, con Zucaina y con Cortz d'Arenoso.

Historia

Fue reconquiesto en 1242. Yera d'a senyoría de Abu Zait, zaguer gobernador almuade de Valencia retirato n'ista zona montanyosa dimpués de ser destronato y tamién dimpués d'a reconquiesta de Valencia. En 1234 Abu Zait concede carta puebla a Villafermosa seguntes o fuero de Daroca. Se repobló con aragoneses.

Toponimia

O filologo Abelardo Herrero Alonso crei que l'antigo nombre de Villafermosa estió Villa Malefa:

encuentra también un émulo en el castellonense VILLA MALEFA, documentado en 1208 como "Villa Maleha", en 1316 como "Villa malefe" (genitivo "de Villamalefa"), y en 1236 como "Villa malea", y que corresponde al nombre antiguo de la actual Villahermosa del Río. Se trata de un curioso caso de calco semántico, pues -MALEFA deriva del árabe maliha "hermosa". Parece como si el topónimo, en un afán inmenso de pervivir, reivindicara los fueros de su significado antiguo y lograse que un significado ("villa hermosa") cristalizase en nombre: VILLAHERMOSA.

En os primers textos medievals que fan referencia a este lugar, en latín, s'escribe Villaformosa. O nombre Villafermosa lo trobamos en o testamento de Blasco II d'Alagón, en 1275:

Et mando meis spondalariis quod faciant taliter de Villafermosa et d'Espadiella, quod non sit periculum anime mee

Y en un texto de 1315:

Sig+no de mí, Pedro Martínez de Montiel, notario público de Villafermosa, que esta carta scribí.