Diferencia entre revisiones de «Parroquias de Zaragoza (Edat Meya)»
Pachina creyada con 'Las '''parroquias de Zaragoza''' estioron en la Edat Meya divisions administrativas d'esta ciudat.<ref name=ESTEBONOM>*¿{{es}}Esteban Sarasa Sanchez: ''Onomástica ...' |
(Garra diferencia)
|
Versión d'o 07:40 9 set 2013
Las parroquias de Zaragoza estioron en la Edat Meya divisions administrativas d'esta ciudat.[1] Son lo resultau de la evolución de los barrios medievals. Las parroquias controlaban lo baptismo y lo soterramiento de los suyos habitadors. Tamién teneban una función de servicio a lo municipio, aportando-li diners y hombres y esleyendo los representants en lo concello.[2]
Las parroquias se dividiban en mayors y menors: [1]
- Parroquias mayors: Santa María la Mayor, Sant Salvador, Sant Pavlo, Santa María Madalena, Sant Felip, Sant Chil, Santa Cruz, Sant Chuan d'el Puent y Sant Chaime.
- Parroquias menors: Sant Per, Sant Andreu, Sant Lorent, Sant Nicolau, Sant Chuan el Viello y Sant Miguel de los Navarros.
En tiempos de guerra, como por eixemplo mientres la Guerra de los dos Peros, las parroquias heban de contribuir economicament pa mantener las murallas. Tamién contribuiban con caballos y con hombres que heban de cosirar las puertas de la ciudat.[1]
Baixo lo reinau de Ferrando d'Antequera en 1414 bi habió una serie d'ordinacions que reformoron l'administración municipal y afectoron a lo rechimen de parroquias. Achuntoron las parroquias menors de dos en dos pa regular la participación de los suyos representants en lo nombramiento de los churaus. D'esta traza bi heba 12 parroquias. [1]
Con la dinastía Trastamara las parroquias perdioron importancia y funcions. Manimenos la institución de la parroquia ganó importancia en las relacions entre los suyos habitadors y lo municipio.[2]
En lo fogache de 1495 nombraban las 12 parroquias con estos fuegos: [2]
- La Madalena: 347 fuegos
- La Seu: 269
- Sant Miguel: 286
- Sant Jaime: 64 fuegos
- Sant Johan el Viello: 32 fuegos
- San Andres 34:fuegos
- Sant Pedro: 27 fuegos
- Sant Felip: 283 fuegos
- Sant Lorent: 85 fuegos
- Sant Nicolau: 48 fuegos
- Santa Cruz: 99 fuegos.
- Sant Gil: 285 fuegos
- Santa Engracia: 51 fuegos
- Santa María de Altabas: 25 fuegos
- Santa María del Pilar: 494 fuegos
- Sant Paulo: 1140 fuegos.[2]
Los fuegos se detallan en la Parroquia de Sant Pavlo por carreras:
- Carrera de los Predicadores
- Carrera de la Filaça
- Mercado, Tripería, Albardería y Cedacería
- Carrera de las Armas
- Carrera de San Blas
- Carrera de Miguel Ingles
- Carrera de la Castellana
- Carrera del Forno de Tarba.
No yeran incluitos en las parroquias ni la morería, ni lo Campo del Spital ni Barrio Nuevo.
Referencias
- ↑ 1,0 1,1 1,2 1,3 *¿(es)Esteban Sarasa Sanchez: Onomástica Zaragozana del Siglo XIV
- ↑ 2,0 2,1 2,2 2,3 (es) Antonio Serrano Montalvo: La población de Aragón según el fogaje de 1495. Volumen 1. Institución Fernando el Católico, 1995