Mont de Liban

Plantilla:Sierra O Mont de Liban u Cordelera d'o Liban (en arabe جبل لبنان, Ǧabal Lubnān) ye un macizo montanyoso que se troba entre a depresión de Trípol e o río Litani, dentro d'o territorio de Liban, trescurzando-lo tot dende noreste enta sureste conformando d'esta traza dos arias espacials diferenciatas en territorio, clima y economia.

A tuca més alta ye o Qurnat al-Sawdā, de 3.088 msnm. La mayor parte d'as suyas atras tucas destacables se troban entre os 1.900 y los 2.700 msnm . A suya ubicación, debant d'a linia de costa Mediterrania, li permite de recibir precipitacions a man d'os 1.500 mm anyals en o norte y a los 1.000 en o sur, deixando a l'ueste d'a cadena zonas aridas a sotavento d'as borrascas.

A tierra ye calsinosa, con substratos rocosos de calsineras, o que permite una filtración d'as auguas y erosión intensa que han formato profundas foces en os zaguers tiempos cheolochicos.

A estratechica situación permitió en o pasato estar refuchio de comunidatz heterodoxas como os maronins, os xiitas u os drusos, encara a fins d'o sieglo XX, y esto ha estato enchaquia de campanyas militars adrezatas contra os libaneses pa sozmeter-los u orichinatas por libaneses en o suyo deseyo d'independencia.

A población en o sieglo XXI ye menos numerosa que en o pasato, y a mayoría han ito emigrando enta a la costa (Sidón, Yūniya, Beirut y Trípoli), y en menor mesura a las poblacions d'o interior como Zahla y Baalbek. A economía d'a zona se basa en o pastoreyo, a sericicultura, o cautivo d'a vinya y l'olivera, tamién as hortalicias y árbols fruitals en faxas de mida chica. Tamién ha preso importancia o torismo, principalment d'ivierno, destacando a existencia de tres estacions de esquí ubiertas.

Toponimia

En "La Flor de las Ystorias d'Orient" de Chuan Ferrández d'Heredia s'escribe "Mont de Liban":

En el regno de Siria habitan diuerssas gentes, griegos, ermins, iacobins, nestorins, et otras dos naçiones de cristianos, es a saber, silianos et maronins. Los silianos tienen la manera de los griegos, et fueron obedientes en tiempo passado a la santa eglesia de Roma. Ellos parlan lengua arabica, et facen el offiçio de la eglesia con letras gerguescas. Los maronins tienen la seta de los iacobins, et han letras et lengua arabica; et aquesta gent habitan encara en el Mont de Liban deues las partidas de Gerusalem et son buena gent d'armas. Los silianos son muchos, mas los maronins son poca gent; et han entre ellos de valientes hombres de armas et de buenos sennores.

En o "Libro d'o Trasoro" escriben Mont de Liban:

de Iherusalem e Bellem, e el flum Jordan, que asi es clamado por dos fuentes, en lo la vna ha nonbre Jor e la otra Dam, qui se ajustan ensemble e fan estos fluujs. E naxen de sus el Mont de Liban, e departe la tierra de Judea de aquella de Arabia, e a la fin cahe en la Mar Muerta cerca de Jerico.

Bibliografía

• Blanchard, R. Geografía universal, artículo Asia occidental. Edit. Montaner y Simón. Barcelona, 1959.