Bandurria

Bandurria
Bandurria Una bandurria
Clasificación
Instrumento de cuerda pulsata
Fabricants
Luthiers

A bandurria u mandurria ye un instrumento mudical d'a familia d'a cuerda pulsata. Se emplega en tota Espanya ta tanyer musica folklorica; especialment en Aragón la fan servir as rondallas que tanyen qualsiquier traza de musica folklorica aragonesa y no nomás ta tanyer hota aragonesa como a ormino se piensa. Aintro d'una rondalla, la bandurria ye qui fa as melodías prencipals d'a canta, mientres que a guitarra fa l'acompanyamiento y o laút (parexíu a la bandurria) s'emplega ta fer armonías intermedias.

A bandurria ye de forma redonda y con un mástil chico. Respective d'o suyo tamanyo, ye un instrumento chicotón, estando-ne fácil de levar y d'emparar. Tién dotze cuerdas de metal que normalment s'afinan de dos en dos d'a traza siguient, prencipiando por as dos cuerdas más agudas y rematando en as dos más graves: La, Mi, Si, Fa#, Do# y Sol#. Bellas vegatas as dos zagueras cuerdas se baixan un semitono dixando-ne en a nota Sol natural, isto se fa ta que puedan fer-se servir t'a bandurria as piezas musicals d'a mandolina.

Afinación

A bandurria s'afina normalment d'a traza siguient:

• La, La, Mi, Mi, Si, Si, Fa#, Fa#, Do#, Do#, Sol#, Sol#.

Isto puet veyer-se representato bellas vegadas en notación anglesa, d'a traza siguient:

• A, A, E, E, B, B, F#, F#, C#, C#, G#, G#

Bi-ha vegadas que bellos musicos baixan un semitono l'afinación d'as dos zagueras cuerdas ta ubrir o repertorio, dixando as cuerdas mas graves en a nota Sol natural y fendo servir asinas o repertorio d'a mandolina t'a bandurria. Isto dixaría a bandurria afinata asinas:

• La, La, Mi, Mi, Si, Si, Fa#, Fa#, Do#, Do#, Sol, Sol

u en notación anglesa:

• A, A, E, E, B, B, F#, F#, C#, C#, G, G

Se veiga tamién

• Guitarra.
• Laút.
• Mandolina.
• Rondalla.

Vinclos externos

• Se veigan as imáchens de Commons sobre a bandurria.