Contrai

Contrai
Localidat de Belchica
As torres de Broel sobre o río Leie.
Estau  • Rechión  • Provincia	Belchica Flandres Flandres Occidental
Población  • Total	76265 hab. (2018)
Altaria  • Meyana	13 m.
Codigo postal	8500, 8510, 8501
Ríos	Leie
Coordenadas	50°49’39’’N 3°15’56’’E
Contrai Contrai en Belchica
Web oficial

Contrai (Kortrijk en neerlandés y oficialment, Courtrai en francés, Courtray en francés antigo) ye una ciudat de Belchica, situata en a rechión de Flandres y provincia de Flandres Occidental. A luenga d'a población d'a ciudat ye o neerlandés.

A ciudat de Kortrijk tien una superficie de 80,02 km², una población de 74.208 habitants en 2008 y una densidat de población de 924 hab/km². A suya aria metropolitana, con una población d'arredol de 285.000 habitants, encluye as ciudatz de Wevelgem, Kuurne u Harelbeke. Antiparte, dende chinero de 2008 a ciudat fa parte d'un eurodestrito con as amanatas ciudatz francesas de Lille y Tournai, a eurometropoli Lille-Contrai-Tournai.

Etimolochía

Ilesia de Nuestra Sinyora

O suyo toponimo, con orichen en Cortoriacum (en latín) tien como component o sufixo -acum, d'orichen celta. Iste toponimo evoluciona en neerlandés enta Kortrijk y en romance francés enta Courtray y dimpués Courtrai. En os "inventarios aragoneses" d'os sieglos XIV y XV que publicó Manuel Serrano Sanz escriben siempre Contray. Encara en un inventario d'obchectos escrito en Zaragoza en 1519 s'escribe Contray:

Ytem un capuz de Contray guarnecido de terciopelo negro

Localidatz achirmanatas

• Frascati (Italia) (dimpués de 1967).
• Bad Godesberg (Bonn, Alemanya), (dimpués de 1964).
• Windsor and Maidenhead (Reino Unito), (dimpués de 1981).
• Saint-Cloud (Altos d'o Sena, Francia), (dimpués de 1993).
• Lahore (Pakistán).
• Greenville (Carolina d'o Sur, Estatos Unitos).

Galería

• 
• 
• 
• 
• 
• 
• 
• 
• 
• 
• 
• 

Vinclos externos

• Se veigan as imáchens de Commons sobre Kortrijk.
• Pachina web oficial municipal.