Laco (erosión alveolar)

Este articlo ye sobre una forma d'erosión alviolar; pa atros significaus de la parola Laco, vaiga a Laco (desambigación).

Lacos que s'han feito en o granito de La Pedriza (España).

Los lacos u gnamas son clots u chicotas depresions que se fan por erosión alviolar en superficies horizontals u quasi horizontals de ciertas rocas como las piedras d'arena u las rocas metamorficas y ignias con textura granuta.

L'orichen d'un laco ye una irregularidat en la superficie que retién l'augua y permite que se desembolique millor la meteorización.

Denominacions

La denominación australiana gnama ye d'uso prou cheneral entre los cheomorfologos de tot lo mundo, pero bi ha muitos nombres locals que pueden amaneixer u no en obras cheormorfolochicas. En la Sierra d'Albarrazín los lacos que se fan en lo rodeno se dicen "clochas", parola que puet designar a atros clotz u chicotas depresions de lo terreno en ixa zona u en atras de lo Sistema Iberico aragonés u valencián. En las zonas graniticas de la Meseta Espanyola reciben la denominación de pilancones.

En parlas altoaragonesas actuals l'uso de "laco" que se documenta con sentiu cheomorfolochico ye por eixemplo:

• En lo Semontano de Balbastro ye una basa en piedra viva u lenera que se plena con augua que rechuma u con una fuent.
• En la Val de Rodellar un laco ye un clot que se fa en una lastra y a on permaneixe muito tiempo l'augua.

En zonas a on se charró aragonés dica fa pocos sieglos tamién se puet sentir. Por eixemplo en Castelserás un laco ye una chicota depresión en un camín que lo fa incomodo de transitar.

Bibliografía

• , Javier {{{títol}}}, Rueda. ISBN 8472070875.