Diferencia entre revisiones de «Ferrocarril de la val de Zafán»

De Biquipedia
Contenido eliminado Contenido añadido
m Manuel Trujillo Berges tresladó a pachina Ferrocarril de la Val de Zafán ta Ferrocarril de la val de Zafán: Minuscla
Legobot (descutir | contrebucions)
m Bot: Migrating 2 interwiki links, now provided by Wikidata on d:q1710461 (translate me)
Linia 34: Linia 34:
[[Categoría:Matarranya]]
[[Categoría:Matarranya]]
[[Categoría:Linias de ferrocarril desapareixitas|Val de Zafan]]
[[Categoría:Linias de ferrocarril desapareixitas|Val de Zafan]]

[[ca:Ferrocarril Val de Zafán - Sant Carles de la Ràpita]]
[[es:Ferrocarril del Val de Zafán]]

Versión d'o 05:33 11 mar 2013

Gara de la Puebla d'Íxar

Lo Ferrocarril de la Val de Zafán teneba un recorrito entre La Puebla d'Íxar y Tortosa, pasando por Alcanyiz. Prene nombre d'una val con fondón plan que bi ha en los termins municipals de La Puebla d'Íxar y d'Exatiel y que desemboca en lo río Martín.

Historia

Lo ferrocarril de la Val de Zafán feba part d'un prochecto més ambicioso que nunca no fue completato. Los primers prochectos d'un ferrocarril entre lo puerto de Sant Carles de la Ràpita y la Puebla d'Íxar son de 1863. La ideya de fer este ferrocarril talment tenese una función melitar: dicen que los melitars creyeban en la posibilidat d'una invasión procedent dende Francia. En caso d'una invasión francesa, dimpués de la barrera natural de los Pireneus los franceses habrían de ser aturatos en atra barrera natural, la barrera de l'Ebro, y un ferrocarril construito en la marguin dreita podría fer-se serviar para ninviar tropas y suministros a tot ixe frent.

Las obras tardoron en encomenzar, dica que, en 1891 la Compañía del Ferrocarril del Val de Zafán encomenzó las obras d'explanación. Lo primer tramo, de 32 km entre La Puebla d'Íxar y Alcanyiz, s'inauguró en 1895. Lo trazato de la linia ferria curiosament no pasaba a man de lo lugar més grant, Íxar, on no yera de lo intrés de la dreita local. Lugars més chicotz como La Puebla d'Íxar conoixioron gracias a lo ferrocarril un mayor desembolique indrustial (con fabricas como por eixemplo La Azucarera), y l'arribata de nuevas ideyas y ideyolochías comuns en las ciudatz d'ixas envueltas como l'anarquismo. Ixa modernidat no arribo, manimenos en Sant Per de Calanda, que continó estando un lugar d'economía rural, encara que este lugar ninviaba los excedents de población a traviés d'esta vía. Se diz que en totas las estacions entre Zaragoza y Reus treballaba un de Sant Per.

En la Batalla de l'Ebro la linia tenió un important papel lochistico. La prolongación de la linia dica Tortosa remató en 1942, con man d'obra esclava (prisioners de guerra republicans). Lo caciquismo influyó muito en lo trazato d'esta part de la linia, que evitaba pasar por los nuclios habitatos de lugars grans como Val de Robres, on los grans terratenients no veyeban con buenos uellos una linia ferria que dase atras oportunidatz laborals a los treballadors. La explotación fue adchudicata dende o principio a Renfe.

Nombres populars que ha tenito han estato el Sarmentero (lo Baixo Martín estió una zona de vinyers enantes d'una plaga de Filoxera), y Lo Banyero.

Con 31 anyos de funcionamiento, no remató a fer-se o zaguer tramo, entre Tortosa y Sant Carles de la Ràpita, a penar d'haber-se construito tota la explanación. En 1971 una sulsita en un túnel entre las estacions de lo Pinell de Brai y Prat de Comte estió a excusa que fació servir l'administración pa suprimir esta linia ferria o 17 de setiembre de 1973. Se diz que empresas locals d'Autobuses contribuyoron a presionar pa que se cerrase.

Estato actual

Lo trazato de lo ferrocarril ye aproveitato actualment como vía verde entre Lo Baixo Aragón y las Tierras de l'Ebro de Catalunya. Se divide en diferents tramos: uno por la cuenca de lo Guadalop (comarca oficial dita Baixo Aragón), atro por la comarca de lo Matarranya, 46 km por la Tierra Alta, continando por lo Baixo Ebro. Manimenos, ye prevista l'adaptación de lo historico puent de lo sieglo XIX de lo ferrocarril de Tortosa, y la prolongación de la vía dica lo Parque natural de lo Delta de l'Ebro. D'esta traza quedarán comunicatos por la vía verde lo parque Natural de los Puertos de Bezeit con la desembocadura de l'Ebro.

Lo recorrito (110 km):

Alcanyiz - Val d'Algorfa (túnel de 2.136 m) -Val Chunquera/Valljunquera - Val del Tormo/la Vall del Tormo - Estación d'Arnes y Ledón/Lledó - Horta de Sant Joan - Bot - Prat de Comte - La Fontcalda - Estación de Lo Pinell de Brai - Benifallet - Estación de Cherta - Aldover - Roquetes y Tortosa.

Curiosidatz

Vinclos externos