Ligurs

Os Ligurs son un conchunto de pueblos protoistoricos d'Europa. Seguntes Plutarco se deziban a ellos mesmos Ambrones, que puet sennificar o pueblo de l'augua.

Os Ligurs en as fuens griegas

Esiodo (prinzipios de o S VI A.C), en os suyos Catalogos, los zita como uno de os tres grans pueblos barbaros, controlando l'estremo ozidental de o mundo conoxito, chunto con os Etiopes y Eszitas d'atros estremos. Abieno, en a traduzión d'un testo de biaches marsellés más antigo que se puet datar de finals de o S VI A.C, endica que os ligurs yeran estenditos antismás dica la mar de o Norte enantes de retacular por estar empentatos por os zeltas. A prinzipios de o S V A.C, Ecateu de Mileto en Europa presenta Marsella como una ziudat de Liguria. Aristoteles situa siempre en sus Meteorolochicas a desembocadura de o Roine en Liguria. Seguntes Herodoto os Ligurs bordeyaban o Mediterraneyo ozidental.

Os Ligurs en fuens latinas

Os autors latins dizen que os ligurs biben a o sur de os Alpes Franzeses y Italianos, y tamién en o norueste de os Apenins. Tamién dizen que antismás ocupaban territorios más grans: Piemón, Toscana, Umbría, Lazio, Lenguadoc y dica a Peninsula Iberica.

Chulio Zesar zita en a Guerra de as Galias que os Zentrons, os Grayozels, os Caturiches, que preboron de oposar-se a que pasase entre Galia Zisalpina y os territorios de os Voconzes en l'año 58 A.C.

Plinio lo Biello los describe tamién más allá de os Alpes, os Sallubians, os Deziaz, os Oxibians; y d'este costato d'os Alpes, os benens, os Bachiens, que deszienden de os Caturiches, os Estatiellos, os Bibellos, os Magellos, Os Eburiaz, os Casmonaz, os Beliaz, y de os que fablamos, en son ziudaz y ríos: o río Rutuba, o ziudat Albium Intémelium, o río Merula; la ziudat d'Albium Ingaunum; o puerto de Vadum Sabatium; o río Porzifera, (autual Gênes); o río Feritor, o puerto de o Delfín; Tigullia; en l'interior: Sechestia de os Tigullins; o río Macra, muga de a Liguria.