Diferencia entre revisiones de «Sirians (pueblo preislamico)»

De Biquipedia
Contenido eliminado Contenido añadido
m →‎Historia: como va bien, a resta las ferá o bot jpbot, replaced: zión → ción (2) using AWB
Legobot (descutir | contrebucions)
m Bot: Migrating 1 interwiki links, now provided by Wikidata on d:q175064 (translate me)
Linia 63: Linia 63:
[[Categoría:Pueblos d'Asia]]
[[Categoría:Pueblos d'Asia]]
[[Categoría:Pueblos semitas]]
[[Categoría:Pueblos semitas]]

[[de:Aramäer (Christentum)]]

Versión d'o 18:47 8 mar 2013

Plantilla:Pueblo

Os sirians son un pueblo en vías de desaparición de Siria y d'o sudeste de Turquía caracterizato por a luenga aramea y estar de relichión cristiana con rito sirián.

Son a continación d'a población siriana no griega ni chodiga anterior a la invasión arabe y que no plegó a islamizar-se. Bi ha una branca ortodoxa y una branca catolica. Representan doncas un grupo etnico etno-confesional, millor definito por a relichión que por una luenga propia que trasmita una cultura propia d'un territorio.

En tiempos colonials amaneixió o problema d'a suya denominación como pueblo y o grau de relación u integración con atros grupos etnoconfesionals cristians afins, problema que s'agudizó en 1946 con a independencia de Siria, que significó que sirián yera habitant d'o estato de Siria.

Seguntes l'asirianismo u nacionalismo neoasirián totz os cristians d'Orient Meyo de luenga semitica son un mesmo pueblo asirián. D'esta traza pa os asirianistas, os sirians son una facción d'a nación asiriana y se refieren a ellos como "asirians occidentals". Bi ha adeptos de l'asirianismo entre a diaspora siriana de Suecia.

Os sirians que no son asirianistas prefieren denominar-sen seguntes a parabra aramea suryoyo ("sirián", "siriaco") u més modernament "arameus", fendo enfasi en o suyo orichen arameu, encara que en anglés se presentan como Syriac-aramaean ("sirio-arameus"), Aramaean-Syriac u simplament Syriac. En Suecia y Alemanya parte d'a diaspora de cristians d'orichen oriental se denominan "arameus" u "sirio-arameus".

Historia

Ye dificil precisar quan estió a etnochenesi d'o pueblo sirián actual, diferent d'os suyos vicins por a luenga aramea y a relichión cristiana. Enantes d'a cristianización d'Orient Meyo, cristianización que estió intensa, a luenga aramea ya s'heba estendillato como lingua franca bells sieglos enantes fendo desapareixer luengas afins como o hebreu.

En o periodo román tardano os sirians feban notar a suya diferencia respecto a los griegos prenendo una traza diferent d'a relichión cristiana: o monofisismo. Manimenos as poblacions helenizatas, as poblacions de zonas afavoritas por a politica imperial como Palestina, y la chent que yera més a man d'o poder seguiban a ortodoxia que promobeba l'autoridat imperial a l'egual que as poblacions d'orichen griego presents en Orient Meyo, esdevenindo os melkitas, que huei encara son conoixitos como Roum ("romans"). O monofisismo yera perseguito por o poder imperial y los suyos liders relichiosos se refuchioron en as zonas montanyosas d'a muga nororiental como Tur Abdín, perdendo a suya popularidat. Os monofisistas recibioron a los musulmans como salvadors, veyendo-los como una secta cristiana més d'as muitas que bi heba en o Imperio Román d'Orient.

En os primers tiempos d'a dominación musulmana continó a vida normal d'alcuerdo con as tradicions romanas orientals u bizantinas, y dica construiban ilesias. Os sirians encara influiban muito en a vida d'o Imperio Bizantín:

Bells sirians se convirtioron a la relichión islamica con a esperanza de poder prener poder politico en una sociedat dominata por una clase dirichent melitar d'orichen arabe. Os Omeyas gobernoron deixando l'administración a los sirians, que seguiban os modelos organizativos d'o Imperio Román d'Orient. Encara podeban estar consideratos sirians, encara que musulmans a os 7000 sirians musulmans mandatos por Balch que entroron en l'Al Andalus pa esclafar una revuelta berber kharichí contra os arabes sunnís y que dimpués se quedoron y refirmoron a los Omeyas.

Manimenos baixo dominio d'os musulmans o numero de sirians de luenga aramea ha ido baixando muito: quan os sirians s'islamizaban en pocas cheneracions esdeveniban arabes por dos razons:

  • L'arabe ye fácil d'aprender pa os parlants d'arameu por estar tamién semitico
  • A sobén en o mundo islamico a islamización en l'aspecto relichioso ha significato arabización en l'aspecto lingüistico por estar l'arabe a sola luenga de l'Alcorán. Esto mesmo s'ha desvenito con a islamización-arabización de berbers, os coptos y os nubians.

Quan os bizantins reconqueriban territorios musulmans de Siria, los repoblaban con armenios. As cruzatas perchudicoron a os sirians a l'egual que atras comunidatz cristianas orientals. Aumentó a hostilidat d'a población musulmana contra os cristians.

Chuan Ferrández d'Heredia los menciona como iacobins (ye dicir chacobins) en "La Flor de las Ystorias d'Orient":

En el regno de Siria habitan diuerssas gentes, griegos, ermins, iacobins, nestorins, et otras dos naçiones de cristianos, es a saber, silianos et maronins. Los silianos tienen la manera de los griegos, et fueron obedientes en tiempo passado a la santa eglesia de Roma. Ellos parlan lengua arabica, et facen el offiçio de la eglesia con letras gerguescas. Los maronins tienen la seta de los iacobins, et han letras et lengua arabica; et aquesta gent habitan encara en el Mont de Liban deues las partidas de Gerusalem et son buena gent d'armas. Los silianos son muchos, mas los maronins son poca gent; et han entre ellos de valientes hombres de armas et de buenos sennores.

En l'aria de Tur Abdín viviban uns 200.000 sirans dica 1915. Mientres a primera guerra mundial o gobierno d'os "chóvens turcos" (d'ideyolochía panturquista), querió eliminar as minorías cristianas d'Anatolia oriental: armenios, asirians y sirians. Os cristians de Tur Abdín fuoron atacatos por bandas de kurdos aliatos d'os turcos. Un tercio morió en a mortalera. Os sirians estioron menos combativos que os armenios u os neoasirians, pero tenioron un episodio de tierca resistencia en Ein Wardo, lugar fácilment fortificable on pocos centenars de sirians fuoron asitiatos por 12.000 soldatos otomans y 13000 milicians kurdos mientres 3 anyos dica que remató a guerra.

Dimpués d'a guerra o gobierno de Mustafá Kemal Atatürk continó perseguindo a los sirians, a l'egual que fació con os griegos y armenios, y forachitoron a os sirians d'Urfa que heban sobrevivito a las mortaleras.

Entre os que quedoron con vida dimpués d'ixas persecucions, una part se refuchió en Siria y Liban y atra en Irak. En 1924 o gobierno kemalista forachitó a lo patriarca sirio ortodoxo, que se refuchió en Domás. D'astí enta debant o centro de gravedat d'a Ilesia Siriana Ortodoxa y d'os sirians se desplazó dende as rechions turcas de Tur Addín, Mardín y Nisibín ta os países güegals. En Tur Abdín quedoron en 1920 70.000 sirians, (seguntes bellas fuents 15.000) y en 1990 no plegaban dica 4.000, a fins d'os anyos 90 no yeran més de 900. Muitos sirians han dixato Tur Abdín pa fuyir d'a guerra entre kurdos y turcos.

Parla

Charran dos dialectos arameus, o turoyo y o lahso u suroyo, (muerto dende 1998).

Bibliografía

  • William Dalrymple "Desde el monte santo. Viaje a la sombra de Bizancio". Librería Altair.

Vinclos externos