Dar es Salaam

Dar es Salaam
Localidat de Tanzania
Dar es Salaam
Estau  • Rechión	Tanzania Dar es Salaam
Población  • Total	4364541 hab. (2012)
Altaria  • Meyana	55 m.
Codigo postal	10000–19999
Coordenadas	6°48’58’’S39°16’49’’E
Dar es Salaam Dar es Salaam en Tanzania

Dar es Salaam (en arabe دار السلام ; antigament Mzizima) ye una ciudat de Tanzania, que ye a mayor ciudat d'o país, o suyo principal centro economico y a suya antiga capital (hue a capital ye Dodoma, dende 1973).

A suya población ye de 2.456.100 habitants (2005) en una superficie de 162,50 km², con una densidat de población de 15.114,46 hab/km².

Dar es Salaam ye a l'este d'o país, a o canto de l'Ocián Indico, y a mayor parte d'os suyos habitants son de relichión islamica.

Historia

O primer europeu en plegar ta a ciudat estió l'alemán Albert Roscher, plegato en 1859 dende Hamburgo.

En 1866 o soldán de Zanzíbar Seyyid Madjid cambeó o nombre d'a ciudat ta l'actual, que significa a casa d'a paz. Dimpués d'a suya muerte en 1870 a ciudat esmorteció, dica a plegata d'a Companyía Alemana de l'Africa Oriental, que bi establió una factoría. A ciudat esdevenió a capital d'a colonia de l'Africa Oriental Alemana.

Mientres a Primera Guerra Mundial, os Aliatos conquerioron l'Africa Oriental Alemana, que esdevenió dimpués d'a guerra a colonia britanica de Tanganyika, y Dar es Salaam continó estando a capital d'a colonia.

En 1961 o Reino Unito concedió a independencia a Tanganyika, y en 1964 iste país s'unificó con Zanzíbar ta formar a clamata Tanzania. Mientres istos cambeyos, Dar es Salaam continó como capital, dica 1973, en que a capital administrativa se tresladó ta Dodoma, en o interior d'o país.

Vinclos externos

• Se veigan as imáchens de Commons sobre Dar es Salaam.
• (en) Bolsa de Dar es Salaam.
• (en) Universidat da Dar es Salaam.