Z-40

A Z-40 u Quatreno Cinturón de Zaragoza ye una autovía de circumvalación d'a ciudat de Zaragoza (Aragón). Se divide en tres trampos u rondas:

• A Ronda Sur prencipia en o kilometro 312 de l'A-2 chunto a la feria de muestras de Zaragoza y PLAZA, conecta con l'A-23 (Autovía Mudéchar) dirección Valencia. Dimpués bi ha un desvío ta l'A-68 (Autovía de l'Ebro), dirección Castellón. Rodia os vicos de Val d'Espartera, Casablanca, Torrero y Sant Chusé. A suya longaria ye de 12 km.

• A Ronda Este prencipia dimpués de trescruzar l'Ebro con un puent de 400 m de longaria. Dentra por un tónel baixo o vico de Santa Isabel, trobando-se a la salita un desvío ta l'A-23 dirección Uesca y atro ta l'A-2 dirección Barcelona. Tien una longaria de 7,5 km.

• A Ronda Norte aproveita parti de l'antiga A-2. Rodia l'ACTUR y l'Expo por o norte, y dimpués de trescruzar l'Ebro atra vegata bi ha primero un desvío ta l'A-68 dirección Logronyo y dimpués ta rematar un desvío ta l'A-2 dirección Madrit.

Se veiga tamién

• Z-30
• Z-32
• Z-50