Serranía de Cuenca

A Serranía de Cuenca ye l'aria montanyosa d'o noreste d'a provincia de Cuenca, en Castiella-La Mancha, que fa part d'una mesma rechión natural con a Sierra d'Albarrazín (Teruel). Ye una macrocomarca que incluye bellas comarcas naturals más chicotas que no han esdevenito comarcas oficials.

Parte d'ista serranía ye en a cuenca d'o río Tacho (o Tacho naixe amán) con os ríos Cuervo y Escabas trescruzando a parte norueste, vertendo as suyas auguas en l'ocián Atlantico, pero atra parte ye en a versant mediterrania d'a peninsula, con o río Guadalaviar, Xúcar y os suyos afluyents entre os que destaca o río Cabriuel.

Os materials predominans d'istas sierras son calsineras d'o mesozoico, asobén karstificatas con torcas u dolinas. Tamién bi ha espectaculars foces, estreitos u canyons fluvio-karsticos.

A vechetación predominant son as pinetas. Tamién bi ha carrascals u carrascals-caixicars y sabinars.

A caza mayor ye abundant y i existió una reserva de caza dende 1973 dica 2007, hué ista reserva de caza s'ha incluito en una demarcación más gran dita Parque Natural de la Serranía de Cuenca.

As comarcas d'a Serranía de Cuenca son, dende o norueste ta o sudeste:

• A Serranía Alta
• A Serranía Meya
• El Campichuelo
• A Serranía Baixa