Garrulus glandarius

Gai
Gai (Garrulus glandarius)
Estato de conservación
Seguro.
Clasificación scientifica
Dominio: Eukaryota Reino: Animalia Filo: Chordata Clase: Aves Orden: Passeriformes Familia: Corvidae Chenero: Garrulus Especie: G. glandarius
Nomenclatura binominal
Garrulus glandarius
Linnaeus, 1758

O gai u gayo (Garrulus glandarius (L., 1758)) ye un muixón de mida meyana, d'entre 30 e 35 cm de lonchitut, con alas curtas y arrondoladas que no gosan a exceder es 60 cm d'amplaria. Como totz es corvidos s'alimenta d'animals chicotz, glans, lulos y altras fruitas, de manera omnivora. Ye un habitant caracteristico d'as selvas caducifolias.

Se conoix rapidament per as suyas caracteristicas colors marronosas u naranchencas en o cuerpo, con franchas blancas en as alas que se centellean caracteristicament a distancia quan l'animal fui per entre la vechetación, mientres emit o suyo caracteristico chilo que li ha dato o nombre en aragonés; "gaik", que puet repetir-se y ye siempre estrident. As singulars tacas azuls que tien en as alas només son veyibles quan l'animal ye posato a las brancas, y son una d'as partis clau d'a suya identificación.

O gai ye un muixón imitador, isto quier decir que emplega tiempos d'a suya vida en aprentar as cantas d'altras aves d'o suyo ambient, y finalment las emplega ta trafulcar-las y fer-las fuera d'o suyo territorio, fendo a sobén que istas creigan que lo territorio ye ocupato per altros animals d'a suya propia especie. Ista conduita ye singularment important con as cantas de bellas rapinyadoras nocturnas, que en establir-se a lo suyo territorio, podriban significar un periglo ta lo chicot corvido.

Vinclos externos

• Se veigan as imáchens de Commons sobre gais.
• Wikispecies tien altras informacions sobre gais.
• Ficha seguntes Javier Blasco-Zumeta