Fuella caduca

Anvista de Zuriza (Ansó, Chacetania) en a val d'Ansó, a on se puet veyer o contraste entre as fuellas caducas de bellas especies y as fuellas perennes de bellatras, en as colos tipicas d'agüerro.

Selva de fabos con as colors d'as fuellas caducas u con fuellas cayitas en o suelo d'a selva.

Se conoix como caducifolios u de fuella caduca (d'o latín cadūcus, "cayito", de cadĕre, "cayer"; y folĭum, "fuella") a los árbols u matizos que pierden as suyas fuellas mientres una parte de l'anyada, que gosa estar l'hibierno (y tamién l'agüerro) en estar a parte de l'anyada mas desfavorable ta o creiximiento de l'árbol en o nuestro clima. Cal parar cuenta, sindembargo, que en climas aridos y xutos quan os árbols y matizos gosan perder as suyas fuellas ye en verano, en estar ixa a estación más difícil ta la suya supervivencia.

Bi ha quantas especies d'árbols y matizos que gosan florecer mientres o periodo de perduga d'as fuellas, ta incrementar a efectividat d'o proceso de polinización, en fer as suyas flors mas vesibles ta os insectos u en facilitar-se a polinización por o viento en as especies en que ixe ye o factor polinizador.

Se veiga tamién

• Fuella perenne.