Diferencia entre revisiones de «Mercurio (elemento)»

← Ir ta a edición anterior Ir t'a edición siguient →

Contenido eliminado Contenido añadido

En renglón

Versión d'o 14:31 5 mar 2013

Plantilla:Elementbox O mercurio u, tradicionalment, archent viu,^[1] ye un elemento quimico de numero atomico 80. O suyo nombre y abreviadura Hg proceden d'o latín hidrargirium y de hydrargyrus, que a la vegata proviene d'o griego hydrargyros (hydor= augua y argyros=archent).

Caracteristicas prencipals

Ye un metal plateyato que a temperatura estándar ye un liquido inodoro. Ye un mal conductor d'a calor comparato con atros metals, encara que no ye mal conductor d'a electrecidat. Se mezcla facilment con muitos atros metals como l'oro u l'archent producindo amalgamas, fueras de con o fierro. Ye insoluble en augua y soluble en acido nitrico. Quan aumenta a suya temperatura produce vapors toxicas y corrosivas, mas pesatas que l'aire. Ye perchudicioso por inhalación, inchestión y contacto. Producto muit irritant ta a piel, uellos y vías respiratorias. Ye incompatible con l'acido nitrico concentrato, l'acetileno, l'amoniaco, o cloro y os metals.

Atros sinonimos de mercurio, son; mercurio elemental, mercurio metalico, mercurio metal, archent liquido y archent vivo . Ta os estudiosos de l'alquimia yera o metal esencial d'o que derivaba a resta y en Orient se creyeba que serviba ta porlongar a vida.

Simbolo d'o mercurio emplegato por os alquimistas

Obtención

A mena mas important de mercurio, ye o cinabrio y as mayors reservas meneres d'iste se troben en Andalucía, en as menas d'Almadén.

Usos

O suyo uso mas antigo fueras d'a extracción d'oro y archent, estió a confección de mirallos, en a que encara hue s'aplica. Se fa servir tamién en instrumentos de mesura, enchufes, fluorescents y como catalizador.

Atros usos d'o mercurio se dirichen a la industria d'os explosivos. Tamién ha estato notable o suyo uso por os dentistas como compuesto prencipal en os empastes de caixals, pero ha estato substituito fa poco tiempo (en os países mas desenvolicatos) por o bismuto, de propiedatz parellanas pero licherament menos toxico.

Tamién ha tenito usos en medecina a traviés d'o mercoquinol (oxiquinolinsulfonato de mercurio) y d'o hidrargirol (parafeniltoniato u parafenolsulfonato de mercurio), iste zaguero como antiseptico, igual que atros muitos como o hidrargol, o hidrargiroseptol, o yoduro mercurico, o cloroyoduro mercurico, o mercuriol, etc. Ta mas detalles se veigan os compuestos d'o mercurio.

Precaucions

Se transporta en estato liquido, codigo de l'A.D.R.: 8,66,c. S'almadazena en arias fredas, xutas, bien ventilatas, aluenyatas d'a radiación solar y de fuents de calor y ignición; aluenyato d'acido nitrico concentrato, acetileno, amoniaco y cloro. Ha d'almadazenar-se en recipients irrompibles de materials resistents a la corrosión y que sían compatibles. Os contenedors han de zarrar-se hermeticament. Se pueden emplegar contenedors d'acero, acero inoxidable, fierro, plastics, vidre, porcelana. Han d'evitar-se os contenedors de plomo, aluminio, arambre, estanyo y sen.

En o etiquetache han d'incorporar-se as frases R: R 23 ("Toxico por inhalación") y R 33 ("Periglo d'efectos acumulativos"). Tamién han d'incorporar-se as frases S: S 1/2 ("Conserve-se zarrato con clau y mantenga-se difuera de l'alcance d'os ninos"), S 7 ("Mantenga-se o recipient bien zarrato") y S 45 ("En caso d'accident u malestar, acuda a escape a o medico (si ye posible, amostre-le a etiqueta)").

Os efectos inmediatos que puet producir por inhalación son: escozor de garganchón, mal de tozuelo, ansias, perduga d'a gana y debilidat muscular. Por contacto con uellos y piel: enroyecimiento, irritación. Por inchestión: gomitos, diarrera, perduga d'a gana y debilidat muscular.

A exposición porlongata u repetita puet prevocar: lesions en rinyons, cerebro y sistema niervoso.

En caso d'accident os primers auxilios a proporcionar son:

En caso d'inhalació: tresladar a victima a l'aire fresco. Buscar atención medica.
En caso de contacto con a piel: quitar a ropa contaminata. Lavar l'aria afectata con augua y xabón. Buscar atención medica.
En caso de contacto con os uellos: lavar os uellos a escape con augua. Buscar atención medica.
En caso d'inchestión: limpiar a boca con augua. Buscar atención medica.

As malautías u lesions asociatas a o mercurio se dicen: hidrarchirismo u mercurialismo y hidrarchiria.