Diferencia entre revisiones de «Portugal»
m r2.7.3) (Robot Adhibito: se:Portugal |
m r2.7.3) (Robot Adhibito: min:Portugis |
||
Linia 347: | Linia 347: | ||
[[mhr:Португалий]] |
[[mhr:Португалий]] |
||
[[mi:Potukara]] |
[[mi:Potukara]] |
||
[[min:Portugis]] |
|||
[[mk:Португалија]] |
[[mk:Португалија]] |
||
[[ml:പോർച്ചുഗൽ]] |
[[ml:പോർച്ചുഗൽ]] |
Versión d'o 21:53 4 mar 2013
Portugal ye un país de l'Europa sudoccidental que fa parte d'a Unión Europea (UE) dende 1986, de Nacions Unitas dende a suya fundación en 1945, y tamién ye miembro fundador d'a OTAN y a OCDE. Ye amás miembro d'a Comunidat de Países de Luenga Portuguesa.
O territorio d'o país s'estendilla por a frontera atlantica d'a Peninsula Iberica y muga a lo norte y a l'este con Espanya. Incluye tamién os archipielagos d'as Azores y de Madeira.
A suya población ye de 10.617.575 habitants en una superficie de 92.391 km², con una densidat de población de 114,92 hab/km².
A capital d'o país ye a suya ciudat más poblada, Lisbona. O president d'o país ye Aníbal Cavaco Silva y o primer menistro ye actualment Pedro Passos Coelho.
O país tien una luenga historia, y estió en os sieglos XV-XVI una d'as prencipals potencias europeas.
Etimolochía
A Lusitania prencipió a decir-se Portugal entre os anyos 930 y 950 dC; a fins d'o sieglo X o nombre ya s'emplegaba con más freqüencia. Ferrando I de Castiella denominó oficialment o territorio de Portugal, o 1067, calendata en que li'n dió a lo suyo fillo Garcia I de Galicia. Cale, l'actual ciudat de Vila Nova de Gaia, ya yera conoixita como Portucale dende os tiempos d'os godos.[1]
O nombre de Portugal, por tanto, se deriva d'o nombre román d'ista ciudat Portus Cale; Cale yera o nombre d'un asentamiento primitivo localizato en a desembocadura d'o Duero, que desaugua en l'ocián Atlantico a lo norte d'o país. Mientres a Segunda Guerra Punica (á fins d'o sieglo III aC), os romans dentroron en a peninsula en una batalla contra os cartachineses, conquerindo a ciudat de Cale, puerto d'orichen griego amán de l'actual Porto, y la baptizoron como Portus Cale. Mientres a Edat meya, a redolada de Cale fue conoixita, por os visigodos, como Portucale, o qualo evolucionaría ta Portugale mientres os sieglos VIII y VIII.
Bells historiadors se piensan que a parola Cale se deriva d'o griego Kalles ("polito"), mientres que d'atros en dicen que deriva d'os pueblos galaicos que habitaban en a zona.
Historia
- Se veiga Historia de Portugal
Cheografía fisica
Situato en o cabo sudueste d'Europa, o Portugal continental tien muga nomás con unatro Estato europeu: Espanya. O territorio continental ye dividito por o río prencipal, o Tacho. A rechión d'o norte ye más montanyosa; bi ha altiplans, intercalatos con arias que permiten o desembolique de l'agricultura. A lo sud, dica l'Algarve, o relieu se caracteriza por as planas y as sierras son esporadicas. Atros ríos importants son o Duero, o Minho, o Guadiana, que, como lo Tacho, naixen en Espanya. O Mondego, naixe en a Sierra da Estrela, a sierra a on que se troban os puntos más altos d'o Portugal continental.[2]
As islas de Azores son localizatas en o rift meyo de l'ocián Atlantico. Bi ha una gran actividat volcanica en ista zona. O punto más alto de Portugal, o Monte Pico, se troba localizato en a isla d'o Pico, con 2.351 metros d'altaria. As islas d'a Rechión autonoma de Madeira, d'atra man, son situatas en a placa africana. Por a suya situación d'estabilidat, ye una zona con menos actividat sismica. O punto más alto d'iste territorio ye o Pico Ruivo, con 1.862 metros d'altaria.
En o Portugal continental, as temperaturas meyanas anyals son de 13 °C a lo norte y de 18 °C a lo sud. As islas de Madeira y as Azores, debito a la suya localización en l'Atlantico, son más humidas y a precipitación bi ye más común, con un intervalo de temperaturas menor.
Divisions administrativas
- Se veiga Organización territorial de Portugal
Actualment, o país ye dividito en 18 destritos (amás d'as dos rechions autonomas de Madeira y Azores). Istos destritos se dividen en 308 municipios (u concelhos en portugués) y 4.257 freguesías.
Distritos[3][4] | ||||||||
---|---|---|---|---|---|---|---|---|
Destrito | Superficie | Población | Destrito | Superficie | Población | |||
1 | Lisbona | 2.761 km² | 2.244.984 | 10 | Guarda | 5.518 km² | 160.931 | |
2 | Leiria | 3.517 km² | 470.765 | 11 | Coimbra | 3.947 km² | 429.714 | |
3 | Santarém | 6.747 km² | 454.456 | 12 | Aveiro | 2.808 km² | 714.351 | |
4 | Setúbal | 5.064 km² | 849.842 | 13 | Viseu | 5.007 km² | 378.166 | |
5 | Beja | 10.225 km² | 152.706 | 14 | Bragança | 6.608 km² | 136.459 | |
6 | Faro | 4.960 km² | 450.484 | 15 | Vila Real | 4.328 km² | 207.184 | |
7 | Évora | 7.393 km² | 167.434 | 16 | Porto | 2.395 km² | 1.816.045 | |
8 | Portalegre | 6.065 km² | 118.952 | 17 | Braga | 2.673 km² | 848.444 | |
9 | Castelo Branco | 6.675 km² | 195.949 | 18 | Viana do Castelo | 2.255 km² | 244.947 |
Rechions Autonomas | ||||||||
---|---|---|---|---|---|---|---|---|
Rechión autonoma | Superficie | Población | ||||||
Azores | ||||||||
Madeira |
Ciudatz prencipals
As ciudatz prencipals d'o país son: Lisbona (a suya capital), O Porto, Braga, Coimbra, Funchal, Ponta Delgada, Évora, Faro, Aveiro, Guarda, Leiria, Setúbal, Almada y Viseu.
Transportes
Bi ha una interpresa publica portuguesa de transporte por ferrocarril, creyada en 1975, como heredera d'a Companhia dos Caminhos de Ferro Portugueses clamata Comboios de Portugal, tamién conoixita como CP o Caminos de Ferro Portugueses.
Esporte
L'esporte mes popular y practicato ye o fútbol, os prencipals equipes son el FC Oporto, el Benfica y el Sporting de Lisboa.[5] Bells d'os millors chugadors d'a historia d'o futbol postugués son Eusébio da Silva Ferreira, Luís Figo, Vítor Baía, Rui Costa, João Vieira Pinto y Cristiano Ronaldo, a más a más d'os entrenadors de fútbol José Mourinho y André Villas-Boas.
Vinclos externos
- Se veigan as imáchens de Commons sobre Portugal.
- (pt) Pachina web de Torismo de Portugal.
Referencias
- ↑ Sousa, Manuel; Reis y Rainhas de Portugal; editora SporPress; Mem Martins, anyo 2000; pachina 23.
- ↑ Vários autores, "Enciclopédia Geográfica", Selecções do Reader's Digest, Lisboa, 1987, página 257.
- ↑ (pt) Distritos de Portugal.
- ↑ (pt)Censo 2011
- ↑ [1]
Se veiga tamién
Estaus d'Europa |
Abkhasia3 | Albania | Alemanya | Andorra | Armenia2 | Artsakh3 | Austria | Azerbaichán1 | Belarrusia | Belchica | Bosnia y Herzegovina | Bulgaria | Cazaquistán1 | Croacia | Cheorchia1 | Chipre2 | Chipre d'o Norte2, 3 | Chequia | Dinamarca | Eslovaquia | Eslovenia | Espanya1 | Estonia | Finlandia | Francia1 | Grecia | Hongría | Islandia | Irlanda | Italia1 | Kosovo3 | Letonia | Liechtenstein | Lituania | Luxemburgo | Macedonya d'o Norte | Malta | Moldavia | Mónegue | Montenegro | Noruega | Osetia d'o Sud3 | Países Baixos | Polonia | Portugal | Reino Uniu | Rumanía | Rusia1 | San Marino | Serbia | Suecia | Suiza | Transnistria3 | Turquía1 | Ucraína | Vaticano |
Dependencias: Åland | Akrotiri y Dhekelia | Chibraltar | Guernési | Isla de Man | Islas Feroe | Jèrri | Svalbard |
1 Parti d'o suyo territorio ye difuera d'Europa. 2 Se troba en Asia, pero tien relacions historico-culturals con Europa. 3 Parcialment reconoixiu. 4 No reconoixito |
Plantilla:Destacato Plantilla:Destacato Plantilla:Destacato Plantilla:Destacato