Filipinas

A Republica d'as Filipinas ye una nación islenca formada por un archipielago de 7.107 islas situadas alto u baixo a 100 km a lo sudeste d'Asia, en a costa occidental de l'Ocián Pacifico.

Muga a l'este con a Mar Filipina, a l'ueste con a Mar d'a China Meridional, y a lo sud con a Mar de Celebes. A lo sud se troban as Molucas y Celebes en Indonesia, a lo sudoeste a parti malaya de Borneo y a lo norte ye Taiwán.

As islas se clamoron asinas por os espanyols en honor a o rei Felipe II d'Espanya.

A suya población ye de 86.241.697 habitants (2004) en una superficie de 300.000 km², con una densidat de población de 276 hab/km². A capital de Filipinas ye Manila, encara que a ciudat con un numero d'habitants més gran ye Quezon City. Politicament, Filipinas ye una Republica presidencialista, estando l'actual presidenta d'o país Gloria Macapagal-Arroyo.