Oyarzun

Oyarzun (Oiartzun en vasco y oficialmente, Oyarzun en castellán) ye un municipio vasco situato a una distancia de 12 km de Sant Sabastián. A suya población ye de 9.806 habitants (2007), en una superficie de 59,71 km² y una densidat de población de 164,23 hab/km².

Vicos

A localidat de Oiartzun ye dividida en ueito vicos: Altzibar, Arragua, Ergoien, Elizalde (nuclio d'a localidat y on se troba a ilesia, d'astí o suyo nombre Eliz: "Iglesia" + Alde, "Lato" u "Zona" = Elizalde, "lato u zona d'a ilesia"), Gurutze, Iturriotz, Karrika y Ugaldetxo.

Toponimia

Se crei que o nombre d'Oyarzun vien d'o de Oiasso, antiga ciudat d'epoca romana que yera en l'actual Irún y que tamién amaneix como Oiasona, Oeaso u Oiarso en as fuents. Encara que o nuclio urbán d'Oiasso yera fuera d'o termin municipal actual d'Oyarzun, si que i heba menas romanas en a zona de Peñas de Aya y la val d'Oyarzun formaba parte de l'aria d'influencia d'ixa ciudat.

Dimpués este nombre evolucionó en o periodo meyeval pa ser conoixito como Oiarso; mes tarde lo escribirían Oyarçun, Oyarzun, Oyarzcun, etc. en castellán y en romance navarro. Esta evolución debió estar por lo pareixito con a parabra vasca Oihartzun que significa eco (etimolochía popular).

Presonalidatz naixtas d'Oyarzun

• Sebastian Mendiburu (1708-1782), escritor en idioma vasco.
• Manuel Lekuona (1894-1987), escritor en idioma vasco, mosén y historiador.
• Enrique Abril (1908–1976): pelotari.
• Jon Oñatibia (1911-1979), escritor en idioma vasco, musico y politico, nombrato fillo predilecto d'a villa.
• Pedro Berrondo (1919-2002), escritor en idioma vasco y mosén. Traductor d'a obra Don Quijote a o vasco.
• Juan Maria Lekuona (1927-2005), escritor en idioma vasco y mosén.
• José Manuel Azkue (1927–2008): organista.
• Julen Lekuona (1938-2003), miembro d'o grupo musico-artistico-cultural Ez Dok Amairu y traductor.
• Santiago Aizarna (1928): escritor y periodista.
• Txomin Perurena (1943 - ), ex-ciclista profesional y comentarista esportivo.
• Xabier Lete (1944 - 2010), escritor, poeta, cantautor y ex-politico d'o Partido Nacionalista Vasco.
• Miguel Mari Lasa (1947 - ), ex-ciclista profesional.
• Hilario Arbelaitz (1952): cocinero. Rechenta o famoso Restaurant Zuberoa que se troba en Oiartzun.
• Pello Añorga (1956 - ), escritor en idioma vasco.
• Rufi Etxeberria (1959), politico d'Herri Batasuna, Euskal Herritarrok y Batasuna.
• Josu García (1965): destacato musico, compositor, miembro de Martín & García y Tequila.
• Álvaro Aragón Ruano (1969): historiador.
• Iván Agirre (1975): nadador. Campión d'Espanya de braza.
• Unai Alba (1978): portero de fútbol.
• Gaizka Saizar (1980): futbolista.
• Jon Martin (1981), bertsolari y escritor en idioma vasco.
• Iker Leonet (1983 - ), ciclista profesional.
• Alaia Martin (1987 - ), bertsolari.