Nachera

Nachera (Nagera en grafía SLA, Nájera en castellán) ye un municipio d'A Riocha situato a 27 km de Logronyo. A suya población ye de 7.911 habitants(2006), en una superficie de 37,44 km² y una densidat de 211,30 hab/km².

Ye a capital d'a comarca de Nachera.

Toponimia

En os elementos en romance navarro-aragonés que bi ha en textos latins d'a Val de l'Ebro s'escribe Naiara, Nagara, Naggera, Naiala y Najera (con i, j y g que representan o fonema /ch/ actual, fonema que amanix por evolución d'as consonants d'as silabas latinas GE, GI, IA). En castellán meyeval ixa -g- se prenunciaba prepalatal fricativa sonora, pero enxordió ta esdevenir primero una -x- y dimpués una -j- velar en o sieglo XVII.

Historia

O 3 d'abril de 1367 luitoron amán de Nachera, en a dita batalla de Nachera, as tropas d'Henrique de Trastamara y de Bertrand du Guesclin, que prebaban d'invadir o reino de Castiella, con as tropas de Pero I de Castiella, o Prencipe Negro, Jean Chandos, Olivier V de Clisson y Chuan de Gante, con victoria de raso d'istos zaguers, que facioron preso a du Guesclin y facioron fuyir a franceses y aliatos d'a Casa de Trastamara, recuperando asinas Pero I a cadiera reyal castellana. A batalla estió parte d'a Primera Guerra Civil castellana y d'a Guerra d'os Cient Anyos.

Puestos d'intrés

Molimentos relichiosos

• Monesterio de Santa María la Reyal, establito por o rei Sancho Garcés IV de Navarra.
• Convento de Santa Elena.

Molimentos civils

• Castiello de la Mota.
• Alcazar.

Museus

• Museu Nacherillense.

Fiestas

• 10 de marzo, Sant Chusé.
• 24 de chunio, Sant Chuan y Sant Pietro.