Compositor

Una notación musical d'una composición.

Un compositor ye una presona que compón musica, ye decir, que creya intelectualment un conchunto de sonitos a partir d'a combinación u l'adición d'elements de sonito musicals, provinients d'uno u de muitos instrumentos musicals, u más planerament, que piensa y escribe a musica que creya. Hue asobén no ye pas una actividat d'improvisación, y fa referencia a qui emplega bell tipo de notación musical ta conservar a suya creyación y permitir que atras presonas, ditas musicos, interpreten a suya obra con os suyos instrumentos musicals; sin d'embargo, historicament os compositors teneban muita parte d'improvisación, y mesmo en quantos cheneros musicals, como en o jazz, l'actividat d'improvisación musical ye una parte muit important.

Asobén o compositor ye, a más, un musico, encara que ixo no ye pas imprescindible.

Antiparte, en o mundo d'o cine l'asobén dito compositor ye nomás l'autor d'a banda sonora d'a cinta, ye decir, d'a selección y en o suyo caso l'adaptación d'as melodías compuestas por belatros.

Se veiga tamién

• Banda sonora.
• Chenero musical.
• Melodía.
• Musica.
• Musico.
• Notación musical.

Vinclos externos

• Se veigan as imáchens de Commons sobre os compositors.