Mecanica quantica

Imachen ilustrativa d'a dualidat onda-particla, en a cuala se puet veyer como un mesmo fenomen puet tener dos percepcions distintas.

A mecanica quantica conoixita tamién como mecanica ondulatoria y como fisica quantica, ye a branca d'a fisica que estudeya o comportamiento d'a luz y d'a materia a escala atomica y subatomica. Os suyos prencipios basicos s'aplican a muitos d'os campos d'a fisica y a quimica actuals, como por eixemplo, a fisica de particlas, a fisica nucleyar, a fisica d'a materia condensata, a fisica atomica y molecular, a computación quantica, a optica quantica, a quimica quantica y a quimica computacional. Chunto con a relatividat cheneral, a mecanica quantica ye un d'os pilars d'a fisica moderna. A escala macroscopica, as leis d'a mecanica clasica s'amanan a las d'a mecanica quantica. Surtió a prencipios d'o sieglo XX ta mirar d'esplanicar diferents resultatos experimentals de fenomens d'orichen microscopico que no se podeban entender con a fisica clasica.