Diferencia entre revisiones de «Puent d'as Cadenas»

De Biquipedia
Contenido eliminado Contenido añadido
Sin resumen de edición
ZéroBot (descutir | contrebucions)
m r2.7.1) (Robot Adhibito: ca:Pont de les Cadenes
Linia 43: Linia 43:
[[Categoría:Molimentos de Budapest]]
[[Categoría:Molimentos de Budapest]]


[[ca:Pont de les Cadenes]]
[[cs:Széchenyi Lánchíd]]
[[cs:Széchenyi Lánchíd]]
[[da:Kædebroen]]
[[da:Kædebroen]]

Versión d'o 03:10 11 feb 2013

Plantilla:Infobox edificio O puent d'as Cadenas (en hongaro oficialment Széchenyi Lánchíd, literalment "Puent Széchenyi") ye o puent mas antigo y, sin dandalos, tamién o mas conoixito de Budapest, a capital d'Hongría.

Historia

O puent espaldato por o exercito alemán en rematar a Segunda Guerra Mundial.

En a epoca en que se construyó o puent (y dica l'anyo 1873), Buda y Pest constituiban dos ciudatz independients en os dos cantos d'o río Danubio. Antis de fer-se iste puent, Buda y Pest yeran unitas por un puent de barcas que cada anyo, en rematar o verano, yera desmontato ta salvar-lo d'as crecitas d'o río, y se tornaba a construyir cada primavera, de traza que as dos ciudatz quedaban isolatas mientres tot o hibierno.

O puent d'as Cadenas fue construyito por iniciativa d'o conde hongaro István Széchenyi, que le ha dato o nombre.[1] Széchenyi estió treballando por ista interpresa a o menos dende 1820.[2] En zaguerías, as obras se facioron entre 1839 y 1849, seguntes o prochecto y baixo a dirección d'o incheniero anglés William Tierney Clark. Entre atras posibilidatz, s'optó por a solución de fer un puent penchato en o que o tablero central, situato entre as dos pilonas, de 202 metros de largaria, estase d'os mas luengos d'o mundo en a suya epoca. A largaria total d'o puent ye de 375 metros y l'amplaria de 12,5 metros. Os cables que habrían de sostener o tablero son, en realidat, cadenas richidas de fierro, y d'aquí le viene o suyo nombre mas popular. En as dentradas d'o puent bi ha estatuas de lions representatos curiosament sin de luenga. O trafico discurre baixo os arcos d'as dos pilonas, d'estilo neoclasico, mientres que as aceras ta os piatons y os ciclistas, adhibitas posteriorment, pasan por difuera d'as pilonas, y son amparatas por mensulas.

En rematar a Segunda Guerra Mundial (1945) o exercito alemán estricalló o tablero d'o puent ta mirar d'aturar l'avance d'as tropas sovieticas.[2] A reconstrucción se fació coincidir con o centenario d'a inauguración, en 1949.[3] As restas orichinals recuperatas que no s'emplegoron ta a reconstrucción se pueden veyer en o Museu d'o Transporte de Budapest.[2]

O puent d'as Cadenas fue restaurato entre os anyos 1986 y 1988.[1] Os días festivos se deixa nomás ta os piatons.[1]

Referencias

  1. 1,0 1,1 1,2 (it) Puent d'as Cadenes Széchenyi en Budapest. Budapest Hotel Start
  2. 2,0 2,1 2,2 (en) O Puent d'as Cadenas: datos y anecdotas. Budapest Index, 2004.
  3. (de) O puent d'as Cadenas de Budapest. Budapest.net

Vinclos externos