Escroto

O escroto. En a parti cucha, a cavidat d'a tunica vachinal ha estata ubierta; a la dreita nomás s'han quitato as capas superficials d'o cremáster.

O escroto u saco escrotal ye a bolsa que cubre y aloixa os testiclos difuera de l'abdomen en os mamífers y en o ser humán. Ye una bolsa de piel rugosa y fina que sirve d'embolique externo d'os testiclos y lurs organos accesorios. Ista zona d'a piel ye cubierta de pelo de tipo chenital y presenta caracteristicas particulars que la diferencian d'a que cubre a la resta de l'organismo.

A suya piel ye formata por siet capas –capa cutania u escroto propiament dito, dartos, tunica celulosa u fascia de Cooper, tunica cremasteriana (cremáster), tunica fibrosa y tunica vachinal, d'as qualas dos son musculars. D'istas dos zagueras, amás superficial ye o dartos y amás profunda o cremáster.

A primera zunce a piel y a segunda puya os testiclos amanando-los a l'abdomen. Istos musclos se contrayen debant d'estimulos variatos, mas que mas debant d'o fredo. Os testiclos son aloixatos difuera de l'abdomen porque requieren d'una temperatura baixa ta aconseguir que os espermatozoides maduren adequadament. A piel d'o escrot ye más sensible debant d'a fredor y a calor que la d'atras zonas de l'organismo. Tamién proporciona a temperatura necesaria ta o desembolique d'os espermatozoides.