Republica d'o Congo

A Republica d'o Congo, tamién conoixita con os nombre de Congo Brazzaville y Congo, ye un país d'Africa. Muga a lo norte con Camerún y a Republica Centroafricana, a lo sud y a l'este con a Republica Democratica d'o Congo (Zaire), a l'occident con Gabón y a lo sudueste con Cabinda, un enclau angolenyo.

A suya población ye de 3.602.269 habitants (estimación de 2005) en una superficie de 342.000 km², con una densidat de población de 10,5 hab/km².

O sistema politico d'a Republica d'o Congo ye republicán, estando l'actual president Denis Sassou-Nguesso, y l'actual primer menistro Isidore Mvouba. A capital d'o país, dende a suya independencia o 15 d'agosto de 1960 (d'antis más yera una colonia francesa) ye a ciudat de Brazzaville. O país fa parte d'a Unión Africana, d'a OIF y d'a ONU.