Chuego

L'aixedrez, un d'os chuegos más famosos de totz os tiempos.

Un chuego ye una actividat humana (encara que os animals tamién chuegan) estructurata u semiestructurata, asobén feita por diversión pero, a vegatas, tamién con fins educativas. Tamién s'emplega o termin chuego ta referir-se a simulacions de diversas actividatz ta entrenamiento, analís u predicción, como en a teoría de chuegos. O chuego se diferencia d'o treballo (o qualo gosa fer-se a cambeo de diners) y de l'arte (o qualo ye més relacionato con a expresión d'ideyas). Manimenos, a distinción no ye definitiva ya que muitos chuegos pueden estar consideratos como treballos y/u como arte. Os chuegos pueden ser individuals u practicatos en conchunto por un grupo de presonas; antiparte, pueden ser chugatos por una presona contra una atra presona u por dos equipes de presonas, uno contra l'atro, u mesmo pueden estar chuegos a on as partes, indiduals u en grupo, sían mas de dos.

Un eixemplo de chuego ye l'aixedrez, a on cal usar o cerebro ta chugar a partida y ganar-la. As partis clau d'un chuego son os obchectivos, os regles, os retos y a interactividat. Os chuegos d'ordinario cheneran estimulación fisica u mental y, asobén, as dos; aduyan a adquirir habilidatz practicas, sirven como exercicio y desarrollan un rol educacional y psicolochico.

Os chuegos son parti universal d'a cultura humana y se'n tien constancia de que se chugaban dende tiempos prehistoricos.