Diferencia entre revisiones de «Cheografía humana»
m r2.7.3) (Robot Adhibito: da:Samfundsgeografi |
m r2.7.3) (Robot Adhibito: ml:നരവംശ ഭൂമിശാസ്ത്രം |
||
Linia 79: | Linia 79: | ||
[[lt:Gyventojų geografija]] |
[[lt:Gyventojų geografija]] |
||
[[lv:Cilvēka ģeogrāfija]] |
[[lv:Cilvēka ģeogrāfija]] |
||
[[ml:നരവംശ ഭൂമിശാസ്ത്രം]] |
|||
[[no:Samfunnsgeografi]] |
[[no:Samfunnsgeografi]] |
||
[[pl:Geografia społeczno-ekonomiczna]] |
[[pl:Geografia społeczno-ekonomiczna]] |
Versión d'o 12:52 16 chi 2013
A cheografía humana ye un d'os dos grans campos en que se divide a cheografía. A cheografía humana ye o estudeyo de l'uso por parti d'o ser humán d'o mundo y d'os procesos que l'afectan. S'esferencia amplament d'a cheografía fisica en que a cheografía humana s'enfoca muito mas en o estudeyo d'os afers intanchibles y abstractos que rodian l'actividat humana y gosa emplegar con mayor freqüencia metolochías qualitativas. Tracta a mayoría d'aspectos d'as sciencias socials.
Encara que a cheografía humana no se centra prencipalment en o estudeyo fisico d'a Tierra (se veiga cheografía fisica), no ye posible parlar de cheografía humana sin estudear o entorno fisico a on que se desembolican as actividatz humanas, estando por tanto a cheografía ambiental un vinclo d'unión entre as dos.
A cheografía humana abarca una gran diversidat metodolochica y teorica, incluyindo enfoques feministas, marxistas u post-estructurals entre atros, y emplegando metodos de rechira tanto qualitativos (metodos etnograficos y entrevistas) como quantitativos (enqüestas, analís estatistica y construcción de modelos).
Campos d'a cheografía humana
Os prencipals campos d'estudeyo d'a cheografía humana chiran arredol d'as siguients tematicas:
Cultura
A cheografía cultural ye o estudeyo d'os productos y normas culturals y como istos varían en os diferents puestos y espacios cheograficos. Se centra en describir y analizar o lenguache, a relichión, a economía, o gubierno y atros fenomens culturals que varían u permaneixen constants entre un puesto y un atro ta explanicar como os humans funcionan espacialment.[1]
- Entre os suyos subcampos se troban a cheografía animal, a cheografía lingüistica u a cheografía relichiosa
Desembolique
A cheografía d'o desembolique y o estudeyo d'a cheografía terrestre en relación a os estándars y calidat de vida d'os habitants d'un puesto, estudeyando a localización, destribución y organización espacial d'as actividatz economicas d'a planeta. O subchecto de rechira ye prou influenciato por a metodolochía que faiga servir o investigador.
Economía
A cheografía economica tracta as relacions entre os sistemas economicos, os estatos y otros actors, y o medio biofisico.
- Entre os suyos subcampos se troba o cheomarketing
Salut
A cheografía medica ye l'aplicación d'a información, perspectivas y metodos cheograficos a o estudeyo d'a salut, as malautías y l'asistencia sanitaria.
Historia
A cheografía historica ye o estudeyo d'a cheografía humana, fisica, ficticia, teorica y real en o pasato. A cheografía historica estudeya una gran variedat de temas y afers. Un tema común en o estudeyo d'as cheografías en o pasato ye como una rechión cambeya con o tiempo. Muitos cheografos que se centran en a historia estudeyan patrons cheograficos a o largo d'o tiempo, incluyindo-ie como a chent interactuaba con o suyo medio y como s'ha creyato un aria cultural.
- Entre os suyos subcampos se troba a cheografía temporal
Politica
A cheografía politica ye o estudeyo de como o medio cheografico afecta a os procesos politicos y como os procesos politicos afectan tamién a las estructuras espacials.
- Entre os suyos subcampos se troban a cheografía electoral, a cheopolitica, a cheografía estratechica y a cheografia melitar
Población
A cheografía d'a población ye o estudeyo de como as variacions, distribucions, composicions, migracions y creiximiento d'a población se relacionan con o medio natural.
Torismo
A cheografía d'o torismo ye o estudeyo d'os viaches y o torismo como industria y como actividat humana.
- Entre os suyos subcampos se troba a cheografía d'os transportes
Urbanismo
A cheografía urbana estudeya as arias urbanas, tractando mas que mas as teorías y aspectos espacials y relacionals. Se centra en o estudeyo d'arias a on que bi ha una gran concentración d'edificios y infraestructuras. Istas arias acullen a mayoría d'as actividatz economicas d'os sectors segundario y terciario y gosan tener altas densidatz de población.
Referencias
- ↑ {{{títol}}}. ISBN 978-0-06-500731-2.