Revolución francesa

Presa d'a Bastilla, 14 de chulio de 1789.

A Revolución francesa estió un proceso social y politico que se desarrolló en Francia entre 1789 y 1799, qualas prencipals conseqüencias estioron l'abolición d'a monarquía absoluta y a proclamación d'a Republica, eliminando os alazetz economicos y socials de l'Antigo Rechimen.

Encara que a organización politica de Francia osciló entre republica, imperio y monarquía mientres 75 anyos dimpués de que a Primera Republica cayera dimpués d'o golpe d'Estato de Napoleón Bonaparte, a revolución marcó a fin definitiva de l'absolutismo y o prencipio d'un nuevo rechimen a on que a burguesía, y a vegatas as masas populars, se convirtioron en a fuerza politica dominant en o país.