Condau de Tolosa

Lo Condato de Tolosa ye un antigo condato d'Occitania con un titular que yera un de los seis pars laicos primitivos.

Fue creyau en l'anyo 778 por Carlos Magno dimpués de la derrota en Roncesvals con a fin de coordinar la defensa y la luita contra los vascons. Fue integrau en lo Reino d'Aquitania, encara que este reino fue creyau tres anyos mes tarde. Lo reino d'Aquitania se disgrega a partir de l'anyo 850. Lo centro de poder d'Aquitania se desplaza enta Piteus y los contes de Rouerge, egualment poseyedors de Tolosa, se transmiten hereditariament.

Las funcions de marqués de Gotia y duque de Narbona, que ells poseyeban egualment esdevienen titols sin sentiu y se transmiten a la branca mes chóven de Rouergue. La muerte de la contesa Bertha de Rouergue aporta por herencio estos títols asinas como Rouergue a Remón, conte de Saint-Gilles, y li permite d'encomenzar a constituir un poder territorial.

Dimpués, hereda lo condato de Tolosa a la muerte de lo suyo chirmán Guillén IV, encara que la suya succesión siga reivindicada por la filla de Guillén Felepe, casada con lo duque Guillén IX d'Aquitania. Remón de Saint-Filles consiguió constituir una principato poderoso, que li transmite a su fillo Bertrand de partida a las cruzatas.

Bertrand, y lo suyo chirmán Alifonso Churdán habioron de luitar contra lo duque d'Aquitania qui s'apoderó de Tolosa qualques vegadas, pero que habió de retirar-se debant las revueltas de los habitants.

Tamién los contes de Tolosa estioron en luita contra los contes de Barcelona, qui miraban d'estendillar lur influencia en lo Lenguadoc y Provenza. La paz concluyó en la segunda mitat de lo sieglo XII.

En esta epoca, una nueva herechía, lo catarismo, se desembolicó en lo condato. Lo conte Remón V demandó l'aduya de Cistels pa combatir-la, pero a principios de lo sieglo XIII la implantación de la herechía ye tal que Remón IV no puet luitar més contra ella sin allenar una part important d'a población. L'asesinato de lo legato pontifical Pierre de Castelnau desencadena la cruzata de los Albichenses, contra la quala luitó lo rei Pero II d'Aragón, pero que remató con l'anexión de lo condato de Tolosa por lo rei de Francia en 1271.