Vitoria d'o Reino Uniu

Vitoria d'o Reino Unito
Reina d'o Reino Unito de Gran Bretanya y Irlanda y Emperatriz d'a India
Reina d'o Reino Unito de Gran Bretanya y Irlanda
Predecesor	Guillén VI
Succesor	Eduardo VII
Emperatriz d'a India
Succesor	Eduardo VII
Coronación	28 de chunio de 1838
Naixencia	24 de mayo de 1819 Palacio de Kensington, Londres
Muerte	22 de chinero de 1901 Isla de Wight
Enterreco	Frogmore, Windsor
Conchuche/s	Alberto de Saxonia-Coburgo-Gotha
Casa reyal	Casa de Hannover
Pai	Eduardo de Hannover
Mai	Vitoria de Saxonia-Coburgo-Saalfeld

Vitoria d'o Reino Unito (Londres, 24 de mayo de 1819 - Isla de Wight, 22 de chinero de 1901) estió Reina d'o Reino Unido y d'Irlanda dende a muerte d'o suyo tío paterno, Guillén IV d'o Reino Unito, o 20 de chunio de 1837, dica a suya propia muerte o 22 de enero de 1901, y a primera Emperatriz d'a India dende l'1 de chinero de 1877 tamién dica a suya muerte.

A reina Vitoria ye tataragüela d'a reina Isabel II d'o Reino Unito, o rei Chuan Carlos I d'Espanya y d'a suya muller a reina Sofía de Grecia, a reina Margalida II de Dinamarca, o rei Carlos XVI Gustavo de Suecia y o rey Harald V de Noruega. Reinó mientres quasi 64 anyos, estando o suyo o reinato más luengo d'a historia de Gran Bretanya. O reinato de Vitoria estió marcato por a gran expansión d'o Imperio Britanico. A Era Vitoriana -como se denominó o suyo reinato- se caracterizó por a Revolución industrial, un período de cambeyos significativos a ran social, economico y tecnolochico en o Reino Unito; istos cambeyos rematoron por consolidar a o Reino Unito como a primera potencia d'a suya epoca.

Vitoria, que yera quasi de tot d'ascendencia alemana (fueras d'a suya debampasata, Sofía de Hannover, descendeba tamién por línia femenina de Chaime VI de Escocia y I de Anglaterra), y estió a zaguera monarca d'a Casa de Hannover. O suyo fillo y succesor, Eduardo VII d'o Reino Unito, perteneixeba a la Casa de Saxonia-Coburgo-Gotha.

Vinclos externos

• Se veigan as imáchens de Commons sobre Vitoria d'o Reino Unito.