Canon de Pachelbel

O Canon en re mayor de Pachelbel (o nombre completo ye "Canon y Chiga en Re Mayor ta tres vriolins y baixo contino", en alemán, Kanon und Gigue in D-Dur für drei Violinen und Basso Continuo) ye a obra mas conoixita d'o compositor barroco Johann Pachelbel.

Popularidat

Ye a pieza mas conoixita de Pachelbel y una d'as mas famosas d'a musica barroca. Escrita arredol d'o 1680, dende a suya composición se'n han feito una gran varietat de versions ta tot tipo d'instrumentos y agrupacions musicals. Ye fácil de poder ascuitar-lo fendo parti de replegas discograficas de musica clasica, chunto a obras como l'Aria d'a suite en re de Bach, u l'Adagio d'Albinoni.

Orichinalment o Canon iba seguito d'una Chiga escrita en a mesma tonalidat, pero por un regular s'interpreta nomás o canon. A suya popularidat se fundamenta en parti en a suya progresión d'acordes, una succesión harmonica que tamién trobamos en a musica popular.

Estructura

Os primers 9 compases d'o Canon de Pachelbel. As colors se fan servir ta esferenciar as dentratas de cada voz.

Ye un canon melodico a tres voces instrumentals y se fundamenta, tanto harmonicament como estructural, en un baixo de dos compases:

Baixo d'o Canon de Pachelbel