Correu electronico

Funcionamiento d'o correu-e.

O correu electronico (dito en anglés e-mail, u email) ye o sistema que permite redactar, ninviar y recibir mensaches emplegando sistemas de comunicación electronica. Hue en día, a mayoría de sistemas de correu electronico emplegan Internet. O correu electronico ye un d'os servicios más populars d'Internet. En comparanza con o correu ordinario, tien l'aventalla d'estar más barato y más rapido. A mayoría d'o correu electronico se transmite a servidors que treballan con o protocolo SMTP (Simple Mail Transfer Protocol).

Una adreza de correu moderna tien a forma: usuari@domini.exemple. A parti que ye debant d'o signo @ ye a parti local de l'adreza, a sobén o nombre d'usuario d'o destinatario, y a parti a la dreita d'o signo @ ye o nombre de dominio. Por meyo de DNS, se puet comprobar que iste dominio accepta correu electronico ta ista adreza determinata.