Godofré de Bullon

Godofré de Bullon
Gubernant d'o Reino de Cherusalem
Elección de Godofré de Bullon
Gubernant d'o Reino de Cherusalem
Succesor	Balduín I de Cherusalem
Naixencia	1058 Boulogne-sur-Mer (hue en Francia) u Baisy (hue en Belchica)
Muerte	2 d'abril de 2005 Cherusalem (Reino de Cherusalem)
Pai	Eustaquio II, conte de Boulogne
Mai	Ida de Boulogne

Godofré de Bullon (1058- Cherusalem, 1100), estió un caballero meyeval y uno d'os liders d'a Primera Cruzata dende 1096 dica a suya muerte. Estió sinyor de Bullon dende 1076 y duque d'a Baixa Lorena dende 1087. Dimpués d'a presa de Cherusalem en 1099 esdevinió o primer gobernant d'o Reino de Cherusalem, encara que no prenió o títol de "rei".

Godofré de Bullon en fuents aragonesas

Estió un presonache celebre en a Edat Meya y bi n'ha citas en a obra d'Heredia, tanto en "La Flor de las Ystorias d'Orient" como en a "Cronica de los Conquiridores" encara que se trabuquen entre Lotarinchia y Turinchia: :

...entro a la prouincia de Palestina, este es, el regno de Gerusalem, et fizieron grant dapnage a los cristianos, assi como se cuenta en las ystorias del passage de Godofre de Bullon. A la fin...

...senyoria; la ora el se fizo camiar el nombre, et fizo se clamar Solimansa. Et de aquesti fazen mencion las istorias del passatge del duch Godofre de Bullon, por que el se combatio con los peligrines, et les fizo asaz...

seyendo vencido de Ecio maestro del exercitu Romano, passo en Turingia que agora es dicha Liege, que es enla entrada de Alamania, dela qual tierra fue senyor Godofre de Bullon : et vendio la ala eglesia pora conquerir la tierra santa de el regno de Iherusalem.

En o "Libro d'as Maraviellas d'o Mundo" bi n'ha atra mención, pero con l'antroponimo en francés:

Et ailli y ha vn altar, Et deuant aqueill altar jaze Godeffrois de Buillon. Et otro Rey christiano qui fueron Reyes de Jherusalem

Se veiga tamién

• Cruzatas.
• Orden d'o Santo Sepulcre.

Vinclos externos

• Se veigan as imáchens de Commons sobre Godofré de Bullon.