Accento circumflexo

L'accento circumflexo (^) ye una mena de signo diacritico. Graficament ye a unión d'un accento acuto y un accento grieu.

Os suyos emplegos prencipals, fueras d'os ampres linguisticos, son:

• Cambio de tono: En o griego antigo, o circumflexo marcaba una puyada y una baixada de tono en a mesma vocal (d'astí a suya forma y l'orichen d'iste signo).
• Marca d'elisión d'un fonema: En francés, por eixemplo, marca que a parola antigament gosabe tener una letra que s'ha perdiu; ye una remarca etimolochica que antigament se gosaba fer servir ta distinguir dos parolas pero que hue nomás ye qüestion d'ortografia, como en a parola hôpital, que vien d'"hospital", com s'ha conservau en atros idiomas.
• Distinción lèxica: Se puet usar ta diferenciar homonimos, como por eixemplo en gaelico.
• Quantidat: En bells idiomas se puet fer servir ta marcar que una vocal yera larga (y por un regular, tamién ubierta), como l'afrikaans.
• Distinción de fonemas: Marca a pronunciación diferent de vocals u consonants que atrament coincidirían en a forma escrita, como pasa en esperanto.
• Tonicidat: Se puet usar ta sinyalar a silaba tonica, como en o portugués (tot i que ye en desuso por a zaguer reforma ortografica).
• Letra dople: En a edat meya yera un d'os signos ta marcar a duplicación d'una letra, en chunto con atros signos. Iste emplego yera freqüent en Itàlia ta marcar a dople i.