Prokaryota

Esquema de conchuntos a on que se i resumen os tres grans dominios d'os sers vivos, estando Archaea (morato) y Eubacteria (amariello) os que se gosa considerar procarionts, en contraposición con Eukarya (marrón).

Procariont u procariota (scientificament en latín «Prokaryota», termino que dimana d'o griego «πρό», pro, «d'antes que», y «κάρυον», kárion, «nuclio» u «centro») ye una denominación que s'emplega en biolochía ta referir-se a totz os organismos vivos que no tienen nuclio celular u garra altro organulo deseparato por membranas, estando en este uso un termin que no implica que totz ixes sers vivos haigan de tener necesariament relación filochenetica (d'estar emparentatos evolutivament) d'entre ellos. Os organismos procarionts son os que son composatos de celulas procariotas.

Anque lo termino fue creyato en os primers anyos d'acceso en a microscopía ta fer una destinción d'entre estes y os organismos que sí que teneban nuclio, que prenioron o nombre d'eucarionts, e ya se ye puesto demostrar de fa qualques decadas que os grans grupos d'organismos sin nuclio no tienen més relación d'entre ellos que con os eucarionts, o termino procariont troba encara muito uso en a bibliografía més que més per a suya utilidat en fendo-se contraposición con o termino Eukaryota, que sí que ye filocheneticament preciso.

Se veiga tamién

• Eukarya
• Celula procariota
• Nuclio celular
• Dominio (biolochía)