Chermanio

O chermanio ye un elemento quimico de numero atomico 32, y simbolo Ge que perteneixe a o grupo 14 d'a tabla periodica d'os elementos.

Caracteristicas prencipals

Ye un metaloide solido duro, cristalín, de color blanca grisenca lustrosa, que conserva o brillo a temperaturas ordinarias. Presenta a mesma estructura cristalina que o diamant y resiste a os acidos y alcalins.

Forma un gran numero de compuestos organometalicos y ye un important material semiconductor emplegato en transistors y fotodetectors. A esferencia d'a mayoría de semiconductors, o chermanio tien una chicota banda prohibita (band gap) por o que responde de forma eficaz a la radiación infrarroya y puet emplegar-se en amplificadors de baixa intensidat.

Aplicacions

As aplicacions d'o chermanio se veyen limitatas por o suyo alto coste y en muitos casos s'investiga a suya sustitución por materials mas economics. Entre os usos se troban:

• Fibra optica.
• Electronica: Radars y amplificadors de guitarras electricas usatos por musicos nostalchicos d'o sonito d'a primera epoca d'o rock & roll; aleyacions SiGe en cercuitos integratos d'alta velocidat.
• Optica d'infrarroyos: Espectroscopios, sistemas de visión nocturna y atros equipos.
• Lentes, con alto endice de refracción, d'anglo amplo y ta microscopios.
• En choyería s'usa l'aleyación Au con un 12% de chermanio.
• Como elemento ta endurecer l'aluminio, magnesio y estanyo.
• En quimioterapia.
• O tetracloruro de chermanio (GeCl₄) s'usa com catalizador en a sintesi de polimers (PET).